-
दिल्लीतील जुन्या राजेंद्र नगर येथील RAU’S IAS स्टडी सेंटरच्या तळघरात अचानक पाणी भरल्याने दोन विद्यार्थिनी आणि एका विद्यार्थ्याचा बुडून मृत्यू झाला आहे. या घटनेनंतर संतप्त विद्यार्थी तीव्र आंदोलन करत आहेत. दरम्यान, कोचिंग सेंटरचा मालक कोण आहे आणि तळघरात पाणी कसे शिरले हे जाणून घेऊया (PTI)
-
श्रेया यादव, तानिया सोनी आणि नवीन डेल्विन अशी मृत्यू झालेल्या तीन विद्यार्थ्यांची नावे आहेत. या प्रकरणी पोलिसांनी कोचिंग सेंटरचा मालक आणि समन्वयकाला (कोऑर्डिटेनर) अटक केली आहे. (PTI)
-
माध्यमांतील माहितीनुसार, ज्या तळघरात लायब्ररी सुरू होती, त्या जागेचा वापर फक्त स्टोरेजसाठी केला जाणार होता. तळघरात साठवणुकीसाठी एनओसी देण्यात आली होती मात्र कोचिंग सेंटरने त्याचे उल्लंघन केले असल्याची माहिती आहे. (PTI)
-
दरम्यान, जुन्या राजेंद्र नगरातील रस्ते मुसळधार पावसामुळे अनेकदा पाण्याने तुंबतात. प्रत्येक पावसाळ्यात दिल्लीचे रस्ते पाण्याने तुडुंब भरतात. मीडिया रिपोर्ट्सनुसार, पावसानंतर कोचिंगचे गेट बंद करण्यात आले होते आणि पाणी आत जाऊ नये म्हणून त्यावर एक स्टीलचे शेड बसवण्यात आले होते. (PTI)
-
मात्र पावसाचे पाणी रस्त्यावर भरल्याने पाण्याचा दबाव इतका वाढला की, स्टीलचे शेड तुटून तळघर पाण्याने भरले. पाण्याचा भार वाढत असताना गेट एका कारसाठी उघडले गेल्याने गेट तुटल्याचे बोलले जात आहे. गेट तुटताच सर्व पाणी तळघरात भरले. तळघरात एक वाचनालय होते ज्यात अनेक विद्यार्थी वाचनासाठी बसले होते. तळघराची खोली जमिनीखाली ८ फूट आहे. (PTI)
-
मीडिया रिपोर्ट्सनुसार, RAU’S IAS स्टडी सेंटरच्या मालकाचे नाव अभिषेक गुप्ता आहे आणि समन्वयक देशपाल सिंह आहे. या दोघांनाही पोलिसांनी अटक केली आहे. (Abhishek Gupta/Linkedin)
-
या घटनेनंतर विद्यार्थी कोचिंग सेंटरबाहेर जोरदार निदर्शने करत आहेत. कोचिंग सेंटरसोबतच विद्यार्थी एमसीडीच्या विरोधात घोषणा देत आहेत. एमसीडीने याला आपत्ती म्हटले असले तरी ही घटना पूर्ण दुर्लक्ष केले असल्याने घडल्याचे आंदोलक विद्यार्थ्यांचे म्हणणे आहे. (Abhishek Gupta/Linkedin)
-
rauias.com वेबसाइटनुसार, हे कोचिंग डॉ. एस. राऊ यांनी ७० वर्षांपूर्वी १९५३ मध्ये स्थापन केले होते. त्यादरम्यान काही विद्यार्थी राज्यशास्त्र शिकण्यासाठी त्यांच्याकडे आले होते. यानंतर त्यांनी दिल्लीतील कॅनॉट प्लेसमधील हॉटेल पॅलेस हाइट्स आणि हेली रोड येथे एका छोट्या खोलीत कोचिंग सेंटर सुरू केले. (vpgupta.com/Website)
-
RAU’s IAS स्टडी सेंटरच्या अध्यक्षांचे नाव व्ही पी गुप्ता आहे. अभिषेक गुप्ता हे या कोचिंग सेंटरचे सीईओ आहेत. (vpgupta.com/Website)
समांथा रुथ प्रभूने शेअर केलेल्या कवितेवर अर्जुन कपूरची प्रतिक्रिया; म्हणाला, “जेव्हा मला प्रेरणा…”
