-
महाभारतात रचलेल्या ‘चक्रव्यूहा’ची तुलना करून लोकसभेतील विरोधी पक्षनेते राहुल गांधी यांनी सोमवारी (२९ जुलै)केंद्र सरकारवर हल्लाबोल केला.
-
भाजपचा हा चक्रव्यूह ‘इंडिया’ आघाडी भेदून काढेल. त्यासाठी हमीभाव आणि जातनिहाय जनगणना करणे हाच पर्याय आहे, असे ते म्हणाले.
-
अर्थसंकल्पावरील चर्चेदरम्यान केलेल्या भाषणात गांधी यांनी शेतकरी, युवा, महिला, कामगार, लघु-उद्याोजक, दलित-आदिवासी, ओबीसींची तुलना अभिमन्यूशी केली.
-
“सहा जणांनी अभिमन्यूची हत्या केली. आताच्या आधुनिक चक्रव्यूहात आधुनिक अभिमन्यूंना अडकवले जात आहे.”, असे गांधी म्हणाले.
-
पंतप्रधान नरेंद्र मोदी, अमित शहा, सरसंघचालक मोहन भागवत, राष्ट्रीय सुरक्षा सल्लागार अजित डोभाल, उद्याोगपती मुकेश अंबानी आणि गौतम अदानी या सहा जणांनी हा आधुनिक चक्रव्यूह रचल्याचा आरोप गांधी यांनी केला.
-
या लोकसभेतच ‘इंडिया’ आघाडी हमीभावाचा कायदा आणि जातगणना संमत करेल, असा विश्वास व्यक्त करतानाच मध्यमवर्गही भाजपपासून दूर जात असल्याचा दावा गांधी यांनी केला.
-
“चक्रव्यूहा’चे दुसरे नाव ‘पद्माव्यूह’ असेही आहे. कमळाच्या आकाराचे व्यूह असा याचा अर्थ आहे. आधुनिक ‘कमळ’रूपी चक्रव्यूहात अख्ख्या देशाची होरपळ सुरू आहे. सगळीकडे हिंसा आणि भयाचे वातावरण आहे.” अशा शब्दात लोकसभा विरोधी पक्ष नेते राहुल गांधी यांनी केंद्र सरकारला लक्ष्य केले.
-
दरम्यान, “आज देशातील तरुणांपुढे सर्वात महत्त्वाचा मुद्दा बेरोजगारी आहे. स्पर्धा परीक्षांचे पेपर लीक होत आहेत. गेल्या १० वर्षात ७० वेळा या परीक्षांचे पेपर लीक झाले आहेत. या पेपर फुटीबाबत या अर्थसंकल्पात एक शब्दाचाही उल्लेख नाही.” असेही यावेळी गांधी म्हणाले.
-
“सरकारने तरुणांसाठी अग्नीवीर योजना फसवलं. या अर्थसंकल्पात अग्नीविरांच्या पेशंन योजनासाठी एक रुपयांची तरतूदही केली नाही. शेतकऱ्यांनी एमएमपीच्या कायदेशीर हमीची मागणी केली आहे. मात्र, त्याचा कोणताही उल्लेख या अर्थसंकल्पात करण्यात आलेला नाही, इतकं काय तर शेतकरी जेव्हा मला भेटालया संसदेत आले, तेव्हा त्यांना आत देखील येऊ दिले नाही,” अशी टीकाही राहुल गांधी यांनी केली. (सर्व फोटो- लोकसत्ता संग्रहित)
अंतराळवीरांना अंतराळात उत्साही अन् तंदुरुस्त राहण्यासाठी किती कॅलरीज आवश्यक आहेत? तज्ज्ञांकडून जाणून घ्या..
