-
झारखंडमध्ये एक मोठा रेल्वे अपघात झाला आहे. हावडा-मुंबई मेल एक्स्प्रेस (१२८१०) ही गाडी झारखंडच्या चक्रधरपूरमध्ये रुळावरून घसरली. रेल्वेचे १८ डबे रुळावरून घसरल्याचे सांगण्यात येत आहे.
-
या अपघातात दोन प्रवाशांचा मृत्यू झाला असून २० जण जखमी झाले असून, काहींची प्रकृती चिंताजनक असल्याचे सांगण्यात येत आहे.
-
अपघाताच्या कारणांबाबत सांगितले जात आहे की, जिथे हा रेल्वे अपघात झाला तिथे एक मालगाडी आधीच रुळावरून घसरली होती, तिचे डबे रुळावर होते.
-
दरम्यान, मागून येणारी हावडा-मुंबई मेल गाडी मालगाडीच्या डब्यांना धडकली, त्यामुळे अनेक प्रवासी डबे रुळावरून घसरले.
-
हा अपघात आज पहाटे ३.४५ वाजता राजखरस्वान आणि बडाबांबो स्टेशन दरम्यान घडल्याचे सांगण्यात येत आहे. या घटनेनंतर हावडा-तितलागडसह अनेक गाड्या रद्द करण्यात आल्या आहेत.
-
अपघाताची माहिती मिळताच अधिकारी तात्काळ घटनास्थळी पोहोचले आणि बचावकार्याला सुरुवात करण्यात आली. अपघातात जखमी झालेल्या प्रवाशांना चक्रधरपूर येथील रेल्वे रुग्णालयात नेण्यात येत आहे.
-
बचावकार्य अजूनही सुरू आहे. एनडीआरएफची टीम घटनास्थळी बचावकार्य करत आहे. या घटनेची माहिती मिळताच सीकेपी आणि एडीआरएमचे कर्मचारी तात्काळ घटनास्थळी पोहोचले आणि जखमींना रुग्णालयात दाखल केले.
-
दरम्यान, मुख्यमंत्री हेमंत सोरेन यांनी या घटनेची दखल घेत सिंहभूम आणि सेराईकेला-खरसावन जिल्हा दंडाधिकाऱ्यांना तातडीने जखमींवर उपचाराची व्यवस्था करण्याचे निर्देश दिले आहेत.
-
यासोबतच घटनास्थळी उपस्थित लोकांना आवश्यक ती सर्व मदत आणि माहिती उपलब्ध करून देण्याची व्यवस्था करण्याच्या सूचनाही त्यांनी दिल्या आहेत. (फोटो स्रोत: पीटीआय)
समांथा रुथ प्रभूने शेअर केलेल्या कवितेवर अर्जुन कपूरची प्रतिक्रिया; म्हणाला, “जेव्हा मला प्रेरणा…”
