-
कोलकाता येथील आरजी कार मेडिकल कॉलेजमध्ये एका प्रशिक्षणार्थी डॉक्टरवर बलात्कार आणि हत्येचे प्रकरण देशभरात जोर धरताना दिसत आहे. देशातील अनेक राज्यांमध्ये डॉक्टर संपावर असून याचा फटका सर्वसामान्यांना बसत आहे. रुग्णालयात उपचारासाठी येणाऱ्या नागरिकांना अनेक समस्यांना सामोरे जावे लागत आहे. (PTI)
-
पोलिसांना आरोपीच्या फोनमध्ये ॲडल्ट व्हिडिओ सापडले आहेत. यासोबतच त्याच्याबाबत अनेक खुलासे करण्यात आले आहेत. दरम्यान, या प्रकरणात आता नवा ट्विस्ट आला आहे. (PTI)
-
१- हे प्रकरण आता सीबीआयकडे सोपवण्यात आले आहे. सीबीआयच्या पथकानेही तपास सुरू केला आहे. नव्या खुलाशात असा आरोप करण्यात आला आहे की, ज्या सेमिनार रूममध्ये महिला डॉक्टरवर सर्व अमानुष अन्याय करण्यात आला, त्याच ठिकाणी नूतनीकरणाचे काम अचानक का करण्यात आले? यावरून पुरावे नष्ट करण्याचा प्रयत्न झाल्याचे स्पष्ट होत असल्याचा आरोप लोकांनी केला आहे. (PTI)
-
२- महिला डॉक्टरवर बलात्कार करून तिची हत्या करण्यात आलेल्या सेमिनार रूमच्या समोरच नूतनीकरणाचे काम सुरू असल्याचा दावा केला जात आहे. भिंतीला तडे गेले आहेत, विटा सर्वत्र पसरलेल्या आहेत. अशा परिस्थितीत अचानक रुग्णालयाच्या खोलीची दुरुस्ती करण्याची गरज का पडली? डॉक्टरच्या हत्येचे पुरावे लपवण्याचा प्रयत्न रुग्णालयाकडून होत आहे का? असा प्रश्न जनतेला पडला आहे. (PTI)
-
३- आरजी कार हॉस्पिटलच्या विद्यार्थ्यांनी पोलिसांवर निष्काळजीपणाचा आरोप केला आहे. महिला डॉक्टरवर बलात्कार करून तिची हत्या झालेल्या सेमिनार हॉलमध्ये लोक कसे पोहोचले, असा प्रश्न त्यांनी केला आहे. पुरावे नष्ट झाले तर जबाबदार कोण? त्याचबरोबर SFI आणि DYFI यांनी यावर हॉस्पिटल प्रशासनाकडून उत्तर मागितले आहे. (PTI)
-
आरोपी कोण आहे?
४- आता जाणून घेऊया महिला डॉक्टरचा बलात्कार करुन निर्घृण हत्या करणारा आरोपी कोण? संजय राय असे आरोपीचे नाव असून त्याला पोलिसांनी अटक केली आहे. (PTI) -
पाहायचा ॲडल्ट (पॉर्न) व्हिडिओ
५- संजय रायबाबत अनेक धक्कादायक खुलासे समोर आले आहेत. तपासादरम्यान, पोलिसांना त्याच्या फोनमधून ॲडल्ट (पॉर्न) व्हिडिओ सापडले. एवढच नाही तर त्याने चार वेळा लग्न केल्याचेही समोर आले आहे. (PTI) -
या कारणामुळे तीन बायका सोडल्या
६- पोलिसांनी दिलेल्या माहितीनुसार, त्याच्या गैरवर्तनामुळे त्याच्या तीन बायका त्याला सोडून गेल्या. तो पोलिस मित्र कर्मचारी होता. स्वयंसेवक कर्मचारी कंत्राटी पद्धतीने काम करतात. मीडिया रिपोर्ट्सनुसार, नंतर त्यांची पोलीस कल्याण मंडळात बदली करण्यात आली. यानंतर त्यांची ड्युटी आरजी कार मेडिकल कॉलेज आणि हॉस्पिटलमध्ये होती. (PTI) -
७- तो स्वत:ला कोलकाता पोलिस कर्मचारी म्हणवून घेत असे आणि KP (Kolkata Police) लिहिलेला टी-शर्ट घालून फिरत असे. पोलिसी रुबाबात राहण्यासाठी तो अनेकदा त्याच्या संपर्काचा वापर करत असे. (PTI)
![big boss marathi these contestants nominated in this week](https://www.loksatta.com/wp-content/uploads/2024/09/ankita-1-1.jpg?w=300&h=200&crop=1)
Bigg Boss Marathi : घरातील ६ सदस्य झाले नॉमिनेट! पण, नेटकऱ्यांकडून अंकिताचं कौतुक, काय आहे कारण?