-
महायुती सरकारची लाडकी बहीण योजना राज्यात लागू झाली आहे.
-
तसेच या योजनेचा लाभदेखील राज्यातील महिला घेत आहेत.
-
दरम्यान, या योजनेवर विरोधकांनी नेहमी टीका केली आहे.
-
निवडणूक डोळ्यासमोर ठेवून मते मिळवण्यासाठी ही योजना आणली गेली असल्याचे विरोधक सांगत असतात.
-
पण आता केंद्रीय मंत्री नितीन गडकरी यांनीही या योजनेबाबत एक वक्तव्य केले आहे. ते भाजपाचे मंत्री असल्याने त्यांचा वक्तव्याचा फायदा विरोधकांना होत असल्याचे दिसून येत आहे, गडकरी नेमकं काय म्हणाले आहेत हे जाणून घेऊयात.
-
महायुती सरकारच्या महत्त्वाकांक्षी ‘मुख्यमंत्री माझी लाडकी बहीण योजने साठी मोठ्या प्रमाणात निधीची आवश्यकता असल्यामुळे इतर क्षेत्रांमध्ये वेळेवर अनुदान दिले जाईल याची खात्री नाही असे मत केंद्रीय मंत्री नितीन गडकरी यांनी व्यक्त केले आहे.
-
२९ तारखेला ते नागपूरमध्ये एका कार्यक्रमात बोलत होते. गडकरींच्या या वक्तव्यामुळे राज्याच्या आर्थिक स्थितीबद्दल पुन्हा एकदा प्रश्नचिन्ह उपस्थित झाले आहे.
-
राज्य सरकारने वार्षिक कौटुंबिक उत्पन्न अडीच लाख रुपयांपेक्षा कमी असलेल्या कुटुंबांमधील १८ ते ६५ या वयोगटातील स्त्रियांसाठी ही योजना अलिकडेच सुरू केली आहे.
-
त्याअंतर्गत दरमहा १,५०० रुपये दिले जातात. यामुळे तिजोरीतून वर्षाला जवळपास ४६ हजार कोटी रुपये खर्च होणार आहेत.
-
योजनेच्या लाभार्थींची संख्या सुमारे अडीच कोटी आहे. याबाबत गडकरींनी गुंतवणुकीसाठी पूर्णपणे योजनेवर अवलंबून राहू नये असे आवाहन जनतेला केले.
(सर्व फोटो लोकसत्ता संग्रहित)
समांथा रुथ प्रभूने शेअर केलेल्या कवितेवर अर्जुन कपूरची प्रतिक्रिया; म्हणाला, “जेव्हा मला प्रेरणा…”
