-
प्रो-कबड्डीने यंदाच्या पर्वात केबीडी ज्यूनियर नावाने नवीन उपक्रम सुरु केला आहे. यामध्ये ज्या शहरात सामने होणार आहेत. त्या शहरातील लहान मुलांना प्रो-कबड्डीच्या खेळाडूंशी भेटण्याची संधी मिळाली. यू मुम्बाचा नितीन मदने आणि काशिलींग अडके यांनी आज कफ परेड भागातील जी.डी.सोमानी शाळेला भेट दिली.
-
यावेळी मुंबईच्या नामांकित ८ शाळांमधल्या विद्यार्थ्यांनी स्पर्धेत भाग घेतला. काशिलींग आणि नितीन मदनेच्या नेतृत्वाखाली दोन संघांचा सामना खेळवण्यात आला.
-
काशिलींग अडके आपल्या संघाला टिप्स देताना. ज्या खेळाडूला आपण आतापर्यंत टिव्हीवर पाहत होतो, त्याला प्रत्यक्षात समोर पाहताना या लहानग्या खेळाडूंचा आनंद गगनात मावत नव्हता.
-
नितीन मदनेनेही आपल्या संघाला चार युक्तीच्या गोष्टी सांगितल्या. या नवीन खेळाडूंसोबत नितीन आणि काशिलींग मिसळून गेलेले पहायला मिळाले.
-
आपल्या संघातील चढाईपटूंना आत्मविश्वास देत काशिलींगच्या देखरेखीखाली सामन्याची सुरुवात झाली.
-
दुसऱ्या बाजूने नितीन मदनेही आपल्या संघातल्या खेळाडूंच्या कामगिरीवर नजर ठेऊन होता.
-
काशिलींगच्या संघाचा या सामन्यावर जास्त पगडा दिसून आला.
-
नितीन मदनेच्या संघातील खेळाडूंना काशिलींगच्या संघातील खेळाडूंना पुरतं जेरीस आणलं.
-
अखेर काशिलींग अडकेचा संघ या सामन्यात विजयी ठरला. कबड्डीकडे नव्या पिढीची ओढ पाहून यावेळी दोन्ही खेळाडूंनी आनंद व्यक्त केला.
महिलांनो तुम्हीही बाजारातून संत्री विकत घेताय का? थांबा! ‘हा’ VIDEO पाहून संत्री घेताना आता १०० वेळा विचार कराल
