-
भारतीय संघाचा तडाखेबाज अष्टपैलू फलंदाज हार्दिक पांड्या हा त्याच्या फटकेबाजीमुळे कायम मैदान गाजवतो. (सर्व फोटो – हार्दिक पांड्या ट्विटर)
-
नुकतीच त्याने ३७ चेंडूत शतकी खेळी केल्याने तो चर्चेत आला होता.
-
या चर्चा थांबण्याआधी हार्दिकने एक नवा पराक्रम केला.
-
हार्दिक पांड्याने डॉ. डी वाय पाटील टी २० स्पर्धेत खेळताना तुफानी खेळी केली.
-
सध्या तो डॉ डी वाय पाटील टी २० स्पर्धेत रिलायन्स वन संघाकडून खेळत आहे.
-
या संघाकडून खेळताना त्याने ५५ चेंडूत नाबाद १५८ धावांची खेळी केली.
-
दुखापतीमुळे गेले कित्येक महिने हार्दिक पांड्या क्रिकेटपासून दूर होता, पण क्रिकेटच्या मैदानात त्याने या स्पर्धेच्या माध्यमातून 'कमबॅक' केले.
-
हार्दिक पांड्याने कमबॅक केल्यापासून तो गोलंदाजांसाठी कर्दनकाळ ठरत आहे.
-
डॉ डी वाय पाटील टी २० स्पर्धेत शुक्रवारी रिलायन्स वन विरूद्ध बीपीसीएल असा सामना रंगला.
-
या सामन्यात हार्दिक पांड्याने नाबाद दीडशतकी खेळी केली. या खेळीत हार्दिकने २० उत्तुंग षटकार खेचले.
-
त्याच्या दमदार खेळीच्या बळावर रिलायन्स वनने ४ बाद २३८ धावा केल्या.
-
या आव्हानाचा पाठलाग करताना बीपीसीएल संघाचा डाव १३४ धावांत आटोपला आणि रिलायन्स वनने सामना १०४ धावांनी जिंकला.
-
हार्दिकने या स्पर्धेत ४ सामन्यात ३८ षटकारांसह ३४७ धावा केल्या आहेत.
-
हार्दिक पांड्याने डॉ. डी व्हाय पाटील टी २० स्पर्धेतील पहिल्या सामन्यात ४ षटकारांच्या मदतीने ३८ धावा केल्या.
-
यानंतर दुसर्‍या सामन्यात पांड्याने १० षटकारांच्या मदतीने १०५ धावा फटकावल्या. या सामन्यात त्याने ३७ चेंडूत शतक पूर्ण केले होते.
-
तिसर्‍या सामन्यातही पांड्याने दमदार कामगिरी केली. त्याने पुन्हा ४ षटकारांसह ४६ धावा केल्या.
-
चौथ्या सामन्यात त्याने २० षटकारांच्या मदतीने १५८ धावा केल्या. त्यानुसार पांड्याने चार सामन्यात ३८ षटकारांच्या मदतीने ३४७ धावा केल्या आहेत.
-
IPL 2020 च्या तोंडावर त्याच्या या खेळीमुळे मुंबई इंडियन्सच्या चाहत्यांमध्ये प्रचंड उत्साह आहे.
भुकेल्या बाळाला दूध आणायला उतरली आणि ट्रेन सुटली; पण तेवढ्यात घडला चमत्कार, VIDEO चा शेवट पाहून डोळ्यांत येईल पाणी
