‘गब्बर के शोले’, अर्धशतक झळकावत सावरला दिल्लीचा डाव

1/

अनुभवी शिखर धवनने राजस्थान रॉयल्सविरुद्ध सामन्यात पुन्हा एकदा अर्धशतकी खेळी करत दिल्ली कॅपिटल्सचा डाव सावरण्यात मदत केली आहे. (फोटो सौजन्य – IPL)

2/

पृथ्वी शॉ, अजिंक्य रहाणे हे फलंदाज झटपट माघारी परतल्यानंतर शिखरने श्रेयस अय्यरच्या साथीने संघाचा डाव सावरला.

3/

३३ चेंडूत ६ चौकार आणि २ षटकारांसह शिखर धवनने ५७ धावा केल्या. श्रेयस गोपाळच्या गोलंदाजीवर मोठा फटका खेळण्याच्या प्रयत्नात तो माघारी परतला.

4/

आयपीएलच्या इतिहासातलं शिखर धवनचं हे ३९ वं अर्धशतक ठरलं. विराट कोहली, रोहित शर्मा, सुरेश रैना यांच्या नावावर आयपीएलमध्ये ३८ अर्धशतकं जमा आहेत.

5/

आपल्या अर्धशतकी खेळीत शिखरने ६ चौकार लगावले. आयपीएलच्या इतिहासात सर्वाधिक चौकार लगावण्याचा विक्रमही शिखरच्या नावावर आहे. त्याने ५४९ चौकार लगावले आहेत.

6/

याचसोबत राजस्थान रॉयल्सविरुद्ध धवनचं हे सहावं अर्धशतक ठरलं. या यादीत एबी डिव्हीलियर्स ७ अर्धशतकांसह शिखरच्या पुढे आहे.