-
भारताने शुक्रवारी अवघ्या ३९ चेंडूंमध्ये लक्ष्य काढून स्कॉटलंडला पराभूत
-
रवींद्र जडेजाच्या (३/१५) प्रभावी फिरकीनंतर के. एल. राहुलने (१९ चेंडूंत ५० धावा) केलेल्या आतषबाजीच्या बळावर भारताने स्कॉटलंडचा तब्बल आठ गडी आणि ८१ चेंडू राखून फडशा पाडला.
-
स्कॉटलंडचा ८५ धावांत खुर्दा केल्यानंतर भारताने निव्वळ धावगतीच्या शर्यतीत अफगाणिस्तानला मागे टाकण्यासाठी निर्धारित लक्ष्य ७.१ षटकांत गाठणे गरजेचे होते.
-
परंतु राहुल आणि रोहित शर्मा (१६ चेंडूंत ३० धावा) यांच्या अर्धशतकी भागीदारीमुळे भारताने ६.३ षटकांतच विजय मिळवला.
-
कर्णधार विराट कोहलीने वाढदिवशी नाणेफेक जिंकून प्रथम क्षेत्ररक्षण स्वीकारले.
-
जडेजा आणि शमी यांनी प्रत्येकी तीन बळी मिळवून स्कॉटलंडचा डाव १७.४ षटकांत ८५ धावांत गुंडाळला.
-
या सामन्यामध्ये लाजीरवाणा पराभव झाला असला तरी स्कॉटलंडचा संघ पहिल्यांदाच भारताविरोधात खेळत असल्याने त्यांनी हा सामना शिकण्याच्या हिशोबाने आणि अभनुभव म्हणून स्वीकारत पराभव मान्य केला.
-
मात्र मैदानामध्ये एकतर्फी सामना झाल्यानंतर मैदानाहबाहेर म्हणजेच ड्रेसिंगरुममध्ये एक वेगळीच गोष्ट पहायला मिळाली.
-
स्कॉटलंडच्या संघाने भारतीय संघाला त्यांच्या ड्रेसिंग रुममध्ये जाऊन भेटण्याची इच्छा व्यक्त केली.
-
भारतीय संघानेही अगदी एखाद्या दादा संघाप्रमाणे या संघातील खेळाडूंचं आपल्या ड्रेसिंग रुममध्ये स्वागत केलं.
-
कर्णधार विराट कोहलीसोबत स्कॉटलंडच्या अनेक खेळाडूंनी मनमोकळ्या गप्पा मारल्या.
-
रोहित शर्माकडूनही स्कॉटलंडच्या खेळाडूंनी काही बॅटींग टीप्स घेतल्या.
-
विराट, रोहित सारेच अगदी मनापसाून या खेळाडूंशी सामन्याबद्दल चर्चा करताना बीसीसीआयने शेअर केलेल्या फोटो, व्हिडीओत दिसत आहे.
-
काहींनी तर थेट मेन्टॉर असणाऱ्या धोनीसोबत आपले क्रिकेटचे अनुभव आणि समस्या शेअर केल्याचं पहायला मिळालं.
-
धोनीसुद्धा अगदी गांभीर्याने सामन्यासंदर्भातील चर्चा करताना फोटो, व्हिडीओंमध्ये दिसतोय.
-
कोहली खेळाडूंना काही गोष्टी समजून सांगता दिसतोय. भारतीय खेळाडूंनी दाखवलेल्या या खिलाडूवृत्तीचं कौतुक केलं जात आहे.
-
कोहलीच नाही तर भारताचा सालामीवीर के. एल. राहुलने आपल्या जोरदार फटकेबाजीसंदर्भात चर्चा करताना दिसतोय.
-
केवळ फलंदाजीचेच नाही तर गोलंदाजीचे धडेही स्कॉटलंडच्या खेळाडूंनी भारतीय खेळाडूंकडून घेतले.
-
अश्विन, बुमराहसारख्या खेळाडूंकडून स्कॉटलंडच्या गोलंदाजांनी सल्ले घेतले.
-
क्रिकेट स्कॉटलंडने कोहली आणि त्याच्या सहकाऱ्यांचे आभार मानलेत.
-
थेट दिग्गजांकडून मार्गदर्शन मिळाल्याबद्दल क्रिकेट स्कॉटलंडने समाधान व्यक्त केलंय. (सर्व फोटो ट्विटरवरुन साभार)
मराठमोळ्या अभिनेत्रीसह २२ वर्षांपासून लिव्ह इनमध्ये राहतोय अभिनेता; लग्नाबद्दल म्हणाला, “मी कायम माझ्या…”
