-
आयपीएलच्या पंधराव्या हंगामातील ६२ व्या सामन्यात गुजरात टायटन्सने चेन्नईला धूळ चारली. या सामन्यात गुजरातने चेन्नईवर सात गडी राखून विजय मिळवला.
-
चेन्नई संघ अगोदरच प्लेऑफच्या स्पर्धेतून बाहेर पडला आहे. त्यामुळे चेन्नईवर या पराभवाचा फारसा परिणाम होणार नाही.
-
या सामन्यात चेन्नईने पहिल्यांदाच संधी दिलेल्या मथिशा पथिराना या श्रीलंकन गोलंदाजाने आपला धडाकेबाज खेळ दाखवला.
-
त्याने भेदक गोलंदाजी करत पदार्पणात पहिल्याच चेंडूवर विकेट मिळवली आहे. विशेष म्हणजे त्याने या सामन्यात एकूण दोन बळी घेतले.
-
या सामन्यात चेन्नईने गुजरातसमोर विजयासाठी १३४ धावांचे लक्ष्य ठेवले होते. ही धावसंख्या गाठताना गुजरातने आक्रमक फलंदाजी केली.
-
तर दुसरीकडे चेन्नईने गुजरातला रोखण्याचा शेवटपर्यंत प्रयत्न केला. मात्र यामध्ये चेन्नईला यश मिळाले नाही.
-
मथिशाने पहिल्याच सामन्यात पहिल्या षटकात पहिल्याच चेंडूवर गुजरातचा दिग्गज फलंदाज शुभमन गिल याला पायचित केले. शुभमन १८ धावांवर बाद झाला.
-
त्यानंतर गुजरातच्या १०० धावा झालेल्या असताना त्याने हार्दिक पांड्यालादेखील बाद केलं. अवघ्या सात धावा झालेल्या असताना मथिशाच्या चेंडूवर हार्दिक झेलबाद झाला.
-
मात्र, धावसंख्या मोठी नसल्यामुळे शेवटी चेन्नईला पराभवाचा सामना करावा लागला. गुजरात टायटन्सने चेन्नईवर सात गडी राखून विजय मिळवला.
Prithviraj Chavan : विरोधी पक्षनेते पदावरून पृथ्वीराज चव्हाण यांचं मोठं विधान; म्हणाले, “विधानसभेत आम्हाला…”
