PHOTO : पाकिस्तानला नमवलं, आता हाँगकाँगविरोधात लढण्यासाठी टीम इंडिया सज्ज, विराट कोहलीही घेतोय खास मेहनत!

1/14

सध्या यूएईमध्ये आशिया चषक स्पर्धेचा थरार सुरू आहे. या स्पर्धेत भारताने आपल्या पहिल्याच सामन्यात पाकिस्तानला पाच गडी राखून धूळ चारली.

2/14

या सामन्यात अष्टपैलू खेळाडू हार्दिक पंड्याने गोलंदाजी आणि फलंदाजी अशा दोन्ही विभागात धडाकेबाज खेळ करत विजय खेचून आणला.

3/14

या विजयानंतर भारतीय संघाचे देशभरात कौतूक केले जात आहे. मात्र या सामन्यात भारताचा विजय झालेला असला तरी आघाडीचे फलंदाज काही खास कामगिरी करू शकलेले नाहीत.

4/14

सलामीवीर केएल राहुल गोल्डन डकवर बाद झाला. त्यानंतर कर्णधार राहुल शर्मादेखील त्याची कमाल दाखवू शकला नाही. अवघ्या १२ धावांवर तो झेलबाद झाला.

5/14

विराट कोहलीने तुलनेने चांगली कामगिरी केली. मात्र तो फक्त ३५ धावा करू शकला. दरम्यान, आगामी सामन्यात विराट आणखी चांगला खेळ करेल, अशी अपेक्षा व्यक्त केली जात आहे.

6/14

३१ ऑगस्ट रोजी भारत-आणि हाँगकाँग यांच्यात लढत होणार आहे. तुलनेने भारत संघ हाँगकाँग संघापेक्षा सरस आहे. तरीदेखील विराट या सामन्यात धावांचा पाऊस पाडणार का? याकडे सर्वांचेच लक्ष लागले आहे.

7/14

या सामन्यात भारताचा विजय झाला तर भारत-पाकिस्तान यांच्यात पुन्हा एकदा लढत होऊ शकते. मात्र त्यासाठी पाकिस्तानलाही आपला आगामी सामना जिंकावा लागेल.

8/14

हे सर्व गणित जुळून आल्यास येत्या ४ सप्टेंबर रोजी भारत-पाकिस्तान आमनेसामने येऊ शकतात.

9/14

याआधी भारतीय खेळाडू हाँककाँगविरोधात पूर्ण ताकदीनिशी मैदानात उतरणार आहेत. विराट कोहलीदेखील चांगलीच मेहनत घेताना दिसतोय.

10/14

या सामन्यासाठी तो कसून सराव करतोय. तसेच शरीर स्वास्थ्यासाठी तो व्यायामदेखील करत आहे. विराटने नुकतेच जीममधील काही फोटो सोशल मीडियावर पोस्ट केले आहेत.

11/14

या फोटोंमध्ये विराट कोहली जीममध्ये वर्कआऊट करताना दिसतोय. याआधीही त्याने व्यायाम करतानाचे फोटो सोशल मीडियावर शेअर केलेले आहेत.

12/14

विराट कोहली मागील काही वर्षांपासून धावा करण्यासाठी झगडताना दिसतोय. आपयीएल २०२२ हंगामात तर त्याने खराब कामगिरी केली होती. याच कारणामुळे त्याने साधारण महिनाभर ब्रेक घेतला होता.

13/14

या कालावधित त्याने त्याच्यातील उणिवा, त्याच्यासोबत नेमकं काय घडतंय याचा अभ्यास केला. याच महिन्याभराच्या ब्रेकबद्दल विराटने सविस्तर भाष्य केले आहे.

14/14

माझे शरीर मला ब्रेक घ्यायला सांगत होते. मात्र माझ्याकडे खूप उर्जा आहे, असे मला वाटत होते. मी दहा वर्षात पहिल्यांदाच महिनाभर बॅटला हात लावला नाही, असे विराटने सांगितले.