-
आशिया कप २०२२ मधील भारतीय संघाचा प्रवास संपला आहे. बुधवारी झालेल्या सामन्यात पाकिस्तानने अफगाणिस्तानचा एका विकेटने पराभव केला.
-
पाकिस्तानच्या विजयामुळे भारत आणि अफगाणिस्तान हे दोन्ही संघ अंतिम फेरीच्या शर्यतीतून बाहेर पडले.
-
आशिया चषकात या खराब प्रदर्शनानंतर आता भारतीय संघाचे मुख्य लक्ष्य टी-२० विश्वचषकावर आहे.
-
१६ सप्टेंबरला रोजी टी-२० विश्वचषकासाठी भारतीय संघाची घोषणा होण्याची शक्यता आहे. पण त्यापूर्वी महत्त्वाच्या खेळाडूंच्या दुखापती भारतीय संघासाठी चिंतेची बाब आहे.
-
भारताचे पाच प्रमुख गोलंदाज दुखापतीने त्रस्त आहेत. अशा स्थितीत टीम इंडिया विश्वचषक कसा जिंकणार असा प्रश्न अनेकांना पडला आहे.
-
जसप्रीत बुमराह : जसप्रीत बुमराह पाठीच्या दुखापतीने त्रस्त आहे. या दुखापतीमुळे त्याला आशिया कपमधूनही बाहेर व्हावे लागले.
-
बुमराह ऑस्ट्रेलिया आणि दक्षिण आफ्रिकेविरुद्धच्या मालिकेतूनही बाहेर जाण्याची शक्यता आहे. बुमराह टी-२० विश्वचषकासाठी तंदुरुस्त होईल, अशी अपेक्षा भारतीय चाहत्यांना आहे.
-
हर्षल पटेल : बरगडीच्या दुखापतीमुळे हर्षल पटेलला आशिया चषक स्पर्धेतून बाहेर पडावे लागले. हर्षल पटेल सध्या एनसीएमध्ये तज्ज्ञांच्या मार्गदर्शनात सराव करतो आहे.
-
या महिन्यात ऑस्ट्रेलियाविरुद्धच्या टी-२० मालिकेत तो मैदानात परतण्याची अपेक्षा आहे. हर्षल पटेल हा मीडियम पेसर असला तरी तो ऑस्ट्रेलियन खेळपट्ट्यांवर जीवघेणा ठरू शकतो.
-
रवींद्र जडेजा : अष्टपैलू रवींद्र जडेजाला दुखापतीमुळे सध्या सुरू असलेल्या आशिया चषक स्पर्धेतून बाहेर पडावे लागले आहे.
-
जडेजाच्या उजव्या गुडघ्याला दुखापत झाली होती. त्याचे यशस्वी ऑपरेशन झाले आहे. शस्त्रक्रियेनंतर रवींद्र जडेजाला २०२२च्या टी-२० विश्वचषकात खेळणे कठीण आहे.
-
आवेश खान : आवेश खानहीलाही ताप असल्यामुळे आशिया चषकातील उर्वरित सामन्यांमधून बाहेर पडावे लागले. त्याच्या जागी वेगवान गोलंदाज दीपक चहरचा संघात समावेश करण्यात आला आहे.
-
वेस्ट इंडिज दौऱ्यापासून आवेश खराब फॉर्ममध्ये आहे आणि त्याने हाँगकाँगविरुद्धच्या सामन्यात ५० हून अधिक धावा दिल्या होत्या. पण त्याची तब्येतही भारतीय संघासाठी चिंतेचे कारण आहे.
-
प्रसिद्ध कृष्णा : न्यूझीलंड-ए विरुद्धच्या सध्याच्या मालिकेसाठी प्रसिद्ध कृष्णा भारत-अ संघात त्याचा समावेश करण्यात आला होता. मात्र, पाठीच्या दुखापतीमुळे कृष्णाला या मालिकेतून माघार घ्यावी लागली.
-
आता कृष्णाच्या बाहेर पडल्यानंतर वेगवान गोलंदाज शार्दुल ठाकूरचा भारत-अ संघात समावेश करण्यात आला आहे.
“याला म्हणतात भावाचं प्रेम” बहिणीला काय गिफ्ट दिलं पाहा; हिस्सा घेण्यासाठी भांडणाऱ्या बहिण-भावांनी पाहावा असा VIDEO
