-
पाकिस्तान क्रिकेट संघाचा वेगवान गोलंदाज शाहीन आफ्रिदीने सोशल मीडियावर आपल्या चाहत्यांना त्याच्यासाठी प्रार्थना करण्याचे आवाहन केले आहे.
-
पाकिस्तानचा स्टार गोलंदाज शाहीन आफ्रिदीवर नुकतीच शस्त्रक्रिया झाली असून तो सध्या क्रिकेटपासून दूर आहे.
-
टी२० विश्वचषकापूर्वीच शाहीनला दुखापत झाली होती. श्रीलंकेविरुद्धच्या कसोटी मालिकेदरम्यान त्याला दुखापत झाली आणि त्यानंतर तो आशिया कपमधून बाहेर पडला.
-
टी२० विश्वचषकात त्याने दमदार पुनरागमन केले असले तरी त्यानंतर त्याला पुन्हा दुखापतीचा करावा लागला.
-
टी२० विश्वचषकादरम्यान एक झेल पकडताना शाहीनला दुखापत झाली होती. यानंतर तो दोन चेंडू टाकायला आला पण दुखण्यामुळे तो स्पेल पूर्ण करू शकला नाही.
-
त्याची दुखापत हा फायनलचा टर्निंग पॉइंट मानला जात होता.
-
पाकिस्तानच्या गोलंदाजांमध्ये शाहीन शाह आफ्रिदीने महत्त्वाच्या वेळी विकेट घेतल्या.
-
मात्र मोक्याच्या क्षणी पाकिस्तानला गरज असताना ऐनवेळी शाहीन आफ्रिदीच्या गुडघ्याला दुखापत झाली आणि इंग्लंडला मोठी संधी मिळाली.
-
पाकिस्तानचा फिरकीपटू शादाब खानने हॅरी ब्रूकला टाकलेला चेंडू झेलून शाहीन शाह आफ्रिदीने ब्रूकची विकेट घेतली. मात्र याच वेळी शाहीन आफ्रिदीच्या गुडघ्याला दुखापत झाली.
-
यानंतर शाहीन शाह आफ्रिदी आपलं तिसरं षटक टाकण्यासाठी आला मात्र वेदनांमुळे त्याला गोलंदाजी करणे शक्य झाले नाही.
-
परिणामी एक चेंडू टाकून आफ्रिदीला सामन्यातून बाहेर पडावे लागले. मोहम्मद इफ्तिकारने त्याचे षटक पूर्ण केले.
-
यावेळी इंग्लंडच्या बेन स्टोक्सने एक चौकार आणि एक षटकार लगावला. हेच सामन्यातील निर्णायक षटक ठरलं आणि सामना इंग्लंडच्या बाजूने फिरला.
-
शाहीनने शेअर केलेल्या फोटोमध्ये तो हॉस्पिटलच्या बेडवर पडलेला दिसत आहे. त्याने कॅप्शनमध्ये लिहिले की, “माझ्यावर अ‍ॅपेंडेक्टॉमीची शस्त्रक्रिया झाली. अल्लाहच्या कृपेने मी आता बरा आहे. माझ्यासाठी प्रार्थना करा.”
-
अ‍ॅपेंडेक्टॉमी म्हणजे शाहीनच्या शरीरातून अपेंडिक्स शस्त्रक्रियेने काढून टाकण्यात आले आहे.
-
सर्व फोटो : ट्विटर
भुकेल्या बाळाला दूध आणायला उतरली आणि ट्रेन सुटली; पण तेवढ्यात घडला चमत्कार, VIDEO चा शेवट पाहून डोळ्यांत येईल पाणी
