-
सध्याच्या फिफा विश्वचषकात फ्रान्सचा संघ विश्वचषक राखणार का याचे उत्तर येणारा काळच ठरवेल. पण त्याआधी संघांचा स्टार खेळाडू करीम बेन्झिमाला दुखापतीमुळे विश्वचषकातून बाहेर पडावे लागल्याने स्पर्धा सुरू होण्यापूर्वीच संघाला मोठा धक्का बसला. फ्रान्सचे आतापर्यंत ५ खेळाडू बाद झाले आहेत. रविवारपासून (२० नोव्हेंबर) कतारमध्ये फिफा विश्वचषक स्पर्धेचे आयोजन करण्यात आले आहे. १८ डिसेंबरला अंतिम सामना खेळवला जाईल.
-
करीम मोस्तफा बेन्झेमा हा फ्रान्सचा उत्कृष्ट फुटबॉलपटू आहे. तो ‘ला लीगा क्लब रेयाल माद्रिद’ आणि फ्रान्सच्या राष्ट्रीय संघासाठी स्ट्रायकर म्हणून खेळतो. तो फॉरवर्डकडून (करिम बेन्झिमा, स्ट्रायकर्स) खेळतो. तो सर्वोत्तम स्ट्रायकरपैकी एक आहे. तो रिअल माद्रिदचा दुसरा सर्वाधिक गोल करणारा खेळाडू आहे.
-
बेन्झेमाने २००५ मध्ये वयाच्या आठव्या वर्षी त्याच्या मूळ शहर ब्रॉन टेरिलॉन एससी (ऑलिम्पिक लियोनाइस) क्लबमधून फुटबॉलमध्ये पदार्पण केले. २००८ मध्ये, त्याला लीगचा वर्षातील सर्वोत्कृष्ट खेळाडू म्हणून गौरविण्यात आले आणि तो ज्या लीगमधील संघाकडून खेळला त्याला वर्षातील सर्वोत्तम संघ म्हणून घोषित केले होते. त्याच्या कारकिर्दीत चौथे लीग विजेतेपद आणि पहिले कूप डी फ्रान्स जिंकले. २००९ मध्ये, बेन्झेमाने फुटबॉलसाठी तत्कालीन-फ्रेंच विक्रमावर स्वाक्षरी केली. त्याने क्लबसह त्याच्या पहिल्या सत्रात सातत्यपूर्ण गोल-स्कोअरिंग रेट गाठत त्याचे ही नाव क्रिस्टियानो रोनाल्डो आणि गॅरेथ बेल यांच्यासमवेत घेतले जावू लागले.
-
“करीम बेन्झिमाच्या डाव्या मांडीला झालेल्या दुखापतीमुळे बेन्झिमाला विश्वचषकात सहभाग नोंदवता येणार आहे,” असे फ्रेंच फुटबॉल महासंघाकडून सांगण्यात आले. बेन्झिमाने शनिवारी फ्रान्सच्या अन्य खेळाडूंसह सराव सत्रात भाग घेतला होता. मात्र, डाव्या मांडीला दुखापत झाल्याने त्याला मैदान सोडावे लागले. त्यानंतर दोहा येथील रुग्णालयात त्याच्या काही चाचण्या झाल्या. यात बेन्झिमाची दुखापत गंभीर असल्याचे स्पष्ट झाले.
-
फ्रान्स संघाचे प्रशिक्षक डिडिएर डेशॅम्प्स म्हणाले, “मी करीम बेन्झेमासाठी खूप दुःखी आहे. त्याचे विश्वचषक खेळण्याचे स्वप्न पूर्ण होऊ शकले नाही. मात्र, दुखापत झाली असली तरी माझा माझ्या संघावर विश्वास आहे. आमच्यासमोर जे काही आव्हान असेल त्याला तोंड देण्यासाठी आम्ही पूर्णपणे तयार आहोत.
-
बेन्झेमाने गेल्या काही वर्षांत अपवादात्मक कामगिरी केली आहे. गेल्या मोसमात त्याने आपल्या क्लब रियल माद्रिदसाठी ४४ सामन्यांत ४६ गोल केले होते. यामुळेच संघाने ला लीगा आणि चॅम्पियन्स लीगचे विजेतेपद पटकावले. बेन्झेमा शेवटचा २०१४ फिफा विश्वचषक स्पर्धेत खेळला होता आणि तो फ्रान्सचा सर्वाधिक गोल करणारा खेळाडू होता. तथापि, २०१८ फिफा विश्वचषक स्पर्धेत बेन्झेमा संघाचा भाग नव्हता.
-
३५ वर्षीय बेन्झिमाला गेल्या काही काळात दुखापतींनी सतावले आहे. ऑक्टोबरमध्ये प्रतिष्ठेचा बॅलन डी’ओर पुरस्कार पटकावल्यापासून तो आपला क्लब रेयाल माद्रिदकडून ३० मिनिटांहूनही कमी वेळ खेळला आहे. शनिवारी प्रथमच त्याने फ्रान्स संघाच्या सराव सत्रात सहभाग घेतला होता. मात्र, त्याला पुन्हा दुखापत झाली.
-
२०१६ मध्ये त्याला फ्रान्स संघातून वगळण्यात आले होते. २०१८ फिफा विश्वचषक स्पर्धेनंतर बेन्झेमा राष्ट्रीय संघात परतला आणि त्याने आतापर्यंत फ्रान्ससाठी १६ सामन्यांमध्ये १० गोल केले आहेत. फ्रान्सचा गट-ड मध्ये समावेश आहे. संघाचा पहिला सामना मंगळवारी ऑस्ट्रेलियाविरुद्ध आहे.
-
बेन्झिमाची सध्याच्या घडीला सर्वोत्तम आघाडीपटूंमध्ये गणना केली जाते. २०१४च्या ‘फिफा’ विश्वचषकात त्याने फ्रान्सकडून सर्वाधिक गोल केले होते. परंतु, एका अश्लील चित्रफीतीच्या प्रकरणात अडकल्याने त्याला जवळपास पाच वर्षे फ्रान्स संघाबाहेर ठेवण्यात आले होते. त्याला २०१८च्या विश्वचषकासाठीही फ्रान्सच्या संघात स्थान मिळाले नव्हते. त्यामुळे यंदाच्या स्पर्धेत फ्रान्सला बेन्झिमाची उणीव भासू शकेल. फ्रान्सची सलामीची लढत मंगळवारी ऑस्ट्रेलियाविरुद्ध होणार आहे.
हेल्दी समजून खूप आवडीने ज्यूस पिता? फॅक्टरीमधला “हा” VIDEO पाहून पायाखालची जमीन सरकेल
