Rishabh Pant Car Accident Photos: काळ आला होता पण…; क्षणात खाक झाली पंतची स्पोर्ट्स कार; रुग्णालयातील फोटोही आले समोर

1/18

Cricketer Rishabh Pant Car Accident Health Updates: भारतीय क्रिकेटपटू ऋषभ पंतच्या कारला भीषण अपघात झाला आहे. या अपघातामध्ये ऋषभ पंत गंभीर जखमी झाला आहे.

2/18

दिल्लीहून घरी येत असताना पंतच्या स्पोर्ट्स कारला हा भीषण अपघात झाल्याची माहिती समोर आली आहे.

3/18

सध्या पंतवर देहरादूनमधील रुग्णालयामध्ये उपचार सुरु असून त्याला पुढील उपचारांसाठी दिल्लीला पाठवण्यात येणार आहे.

4/18

मंगळूरु आणि निरसन मार्गावर पंतच्या गाडीला अपघात झाला.

5/18

हरिद्वार जिल्ह्यामध्ये हा अपघात झाल्यानंतर पंतला तातडीने रुग्णालयात हलवण्यात आलं असून त्याच्यावर रुरकी प्रशासकीय रुग्णालयात प्राथमिक उपचार करण्यात आले.

6/18

राष्ट्रीय महामार्ग क्रमांक ५८ वर हा अपघात झाल्याची माहिती पोलीस निरीक्षक स्वपन किशोर यांनी दिली.

7/18

हम्मदपुर झाल येथील एका वळणावर भरधाव वेगात असलेल्या ऋषभ पंतच्या कारचा अपघात झाला.

8/18

डॉक्टरांनी दिलेल्या माहितीनुसार ऋषभ पंतच्या डोक्याला आणि पायाला गंभीर दुखापत झाली आहे. पंतची  प्रकृती स्थिर असून, त्याच्यावर प्लास्टिक सर्जरी केली जाणार असल्याचं डॉक्टरांनी सांगितलं आहे.

9/18

उत्तराखंडचे मुख्यमंत्री पुष्कर सिंह धामी यांनी पंतच्या अपघातानंतर अधिकाऱ्यांना त्याच्या उपचारासाठी सर्व सुविधा पुरवण्याचे निर्देश दिलेत.

10/18

सरकारकडून पंतच्या उपचारासंदर्भात सर्व काळजी घेतली जाईल असं उत्तरखंडच्या मुख्यमंत्र्यांनी एएनआय या वृत्तसंस्थेला सांगितलं. गरज पडल्यास पंतसाठी एअर अॅम्ब्युलन्सचीही सेवा पुरवा असे निर्देश मुख्यमंत्र्यांनी दिल्याचं मुख्यमंत्री कार्यालयाकडून सांगण्यात आलं आहे.

11/18

प्रत्यक्षदर्शींनी दिलेल्या माहितीनुसार ऋषभची कार रेलिंगला धडकल्याने अपघात झाला.

12/18

रेलिंगला धडकल्यानंतर गाडीने पेट घेतला असंही प्रत्यक्षदर्शींनी सांगितलं.

13/18

या गाडीला आग लागल्याचे व्हिडीओ याच मार्गाने प्रवास करणाऱ्या काही प्रवाशांनी सोशल मीडियावर शेअर केले आहेत.

14/18

या व्हिडीओमध्ये रात्रीच्या अंधरात रस्त्यावर डिव्हायडरजवळ गाडी जळत असल्याचं दिसत आहे.

15/18

हे व्हिडीओ सध्या सोशल मीडियावर तुफान व्हायरल होताना दिसत आहेत.

16/18

मात्र सुदैवाने पंतला वेळीच गाडीच्या बाहेर काढण्यात यश आल्याने तो थोड्यात बचावला.

17/18

पंतची ही महागडी गाडी पूर्णपणे जळून खाक झाली आहे. पंतच्या या अपघातग्रस्त गाडीची अवस्था पाहता काळ होता पण वेळ आली नव्हती याच म्हणीची आठवण होते.

18/18

गाडीच्या सीटपासून सर्वच गोष्टी जळून राख झाल्या असून हा अपघात कसा झाला याची चौकशी आता केली जात आहे. (सर्व फोटो – सोशल मीडियावरुन साभार)