-
नव्या संसदेच्या इमारतीचं पंतप्रधान नरेंद्र मोदी यांनी रविवारी ( २८ मे ) उद्घाटन केलं. दुसरीकडं जंतर-मंतर मैदानावर आपल्या मागण्यांसाठी आंदोलन करत असलेल्या कुस्तीपटू आणि पोलिसांमध्ये झटापट झाली आहे.
-
भारतीय कुस्ती महासंघाचे अध्यक्ष आणि भाजपा खासदार बृजभूषण सिंह यांच्यावर महिला खेळाडूंनी लैंगिक शोषणाचं आरोप केला आहे. त्यांच्यावर गुन्हाही दाखल झाला आहे.
-
पण, अटकेच्या मागणीसाठी २३ एप्रिलपासून कुस्तीपटू जंतर-मंतर मैदानावर आंदोलन करत आहेत.
-
नव्या संसदेचं उद्घाटन होत असताना आमच्या मागण्यांकडे दुर्लक्ष केलं जात असल्याचं सांगत या खेळाडूंकडून जंतर-मंतरवरून कूच करत आज संसदेसमोर ‘महापंचायत’ भरवण्यात येणार होती.
-
मात्र तत्पूर्वीच पोलिसांनी बळाचा वापर करत अनेक खेळाडूंना ताब्यात घेतलं आहे.
-
जंतर-मंतर मैदानातून संसदेच्या दिशेने कूच करण्याच्या प्रयत्नात असलेले कुस्तीपटू साक्षी मलिक, विनेश फोगट आणि बजरंग पुनिया यांच्यासह त्यांच्या इतर साथीदारांना पोलिसांनी फरफरट नेत जबरदस्ती आपल्या वाहनात बसवलं.
-
एकीकडे खेळाडूंवर अटकेची कारवाई होत असताना दुसरीकडे आंदोलनास्थळावरील खेळाडूंच्या गाद्या, पंखे आणि इतर साहित्यही पोलिसांनी हटवलं.
-
त्यामुळे या खेळाडूंना पुन्हा जंतर-मंतरवर आंदोलनासाठी बसता येऊ नये, अशी व्यवस्था तर पोलिसांकडून करण्यात आल्याचं दिसत आहे.
-
साक्षी मलिक, विनेश फोगाट आणि बजरंग पुनियाने आंतरराष्ट्रीय स्तरावर आपल्या खेळातून अभिमानस्पद कामगिरी केली आहे. त्याच खेळाडूंवर पोलिसांनी केलेल्या कारवाईमुळे देशभरातून संताप व्यक्त केला जात आहे.
Gopan Swami Samadhi : समाधी घेतल्याचा कुटुंबीयांचा दावा, शेजाऱ्यांना खुनाचा संशय; पोलिसांनी कबर खोदली अन् समोर आली धक्कादायक माहिती
