गुगलचा ‘पिक्सेल’ फोन बाजारात दाखल..

1/

सर्च इंजिनपासून कार उत्पादनापर्यंत सर्वच क्षेत्रांत संचारणाऱया गुगल कंपनीने आता स्मार्टफोनच्या बाजारातही तगडी स्पर्धा उभी केली आहे.

2/

आपल्या जुन्या नेक्सस या स्मार्टफोनपेक्षा खूप वेगळा आणि महागड्या स्मार्टफोनच्या स्पर्धेत टिकाव धरतील असे पिक्सेल आणि पिक्सेल एक्सएल हे दोन नवे स्मार्टफोन गुगलने मंगळवारी बाजारात दाखल केले.

3/

या फोनची भारतातून पूर्वनोंदणी करता येणार असून ती १३ ऑक्टोबरपासून सुरू होणार आहे.

4/

तब्बल १२८ जीबीची अंतर्गत साठवणूक क्षमता, चार जीबी रॅम, १२ मेगापिक्सेल मुख्य कॅमेेरा आणि ८ मेगापिक्सेलचा फ्रंट कॅमेरा अशा आकर्षक वैशिष्ट्यांसह हा स्मार्टफोन बाजारात दाखल करण्यात आला.

5/

गुगलचे मुख्याधिकारी सुंदर पिचाई यांनी सॅन फ्रॅन्सिस्को येथील कार्यक्रमात या दोन फोनचे अनावरण केले.

6/

सर्व जग गुगलमय करण्याचा अट्टाहास कंपनीचा असल्यामुळे येईल त्या उत्पादनाची सर्वोच्च पातळी गाठण्यासाठी कंपनी प्रयत्नशील असते.

7/

आकर्षक फिचर्स घेऊन पिक्सेल बाजारात दाखल झाला आहे.

8/

पिक्सेलमध्ये पाच इंचांचा क्यूएचडी एएमओएलईडी डिस्ल्पे देण्यात आला आहे. यामध्ये गोरिला ग्लास ४ चे संरक्षण देण्यात आले आहे. यात २.१५ गीगाहर्ट्सचा स्नॅपड्रॅगन ८२१ क्वाड कोर चिपसेट देण्यात आला आहे.

9/

फोनमध्ये १२ मेगापिक्सेलचा मुख्य कॅमेरा आणि आठ मेगापिक्सेलचा फ्रंट कॅमेरा देण्यात आला आहे. शिवाय फोनला २२७० एमएएची बॅटरी देण्यात आली असून यामध्ये ३२ तासांचा बोलण्याचा अवधी मिळणार आहे.

10/

चार जीबी रॅम आणि ३२ जीबी व १२८ जीबीची साठवणूकक्षमता यात देण्यात आली आहे. नेक्ससमध्ये कमी असलेले मायक्रो एसडी कार्ड स्लॉटही यामध्ये देण्यात आले आहे. यामुळे हा फोन नेक्ससपेक्षा उजवा ठरतो.

11/

फोन जलद गतीने चार्जिंक करता यावा यासाठी विशेष यूएसबी जोडणी असलेला बॉक्स देण्यात आला आहे.

12/

फोनमध्ये फिंगरप्रिंट सेन्सर देखील देण्यात आला आहे. वायफाय, फोरजी, ब्लूटूथ आणि एनएफसी जोडणी देण्यात आली आहे.