-
हवामान खात्याने दिलेल्या इशाऱ्यानुसार मुंबई, ठाणे आणि राज्याच्या काही भागांमध्ये मान्सूनचं आगमन झालं आहे. दक्षिण मुंबईसह पूर्व आणि पश्चिम उपनगरांमध्ये पावसाने बऱ्यापैकी जोर धरला आहे. (फोटो- निर्मल हरिंद्रन)
-
मुंबईत रात्रभर मुलुंड आणि भांडुप परिसरात सर्वाधिक पाऊस पडला. तर अंधेरी, वांद्रे, कांजुरमार्ग आणि पवईमध्येही जोरदार बरसला. ठाणे जिल्ह्यात कल्याण, मुरबाड, उल्हासनगर, शहापूर आणि भिवंडी परिसरातही पावसानं दमदार हजेरी लावली. (फोटो- निर्मल हरिंद्रन)
-
सायन, हिंदमाता आणि परळ भागात पाणी साचल्याचं पाहायला मिळालं. (फोटो- निर्मल हरिंद्रन)
-
या भागातील रस्ते जलमय झाल्याने मुंबईकरांना तुंबलेल्या पाण्यातूनच मार्ग काढत घर गाठावं लागलं. (फोटो- निर्मल हरिंद्रन)
-
हिंदमाता, कुर्ला, चेंबूर आणि किंग्ज सर्कल आदी भागात गुडघ्या एवढे पाणी साचले आहे. त्यामुळे दादर ते सायनपर्यंत वाहतुकीची प्रचंड कोंडी झाल्याने मुंबईवरून पनवेल आणि पनवेलवरून मुंबईकडे येणाऱ्या प्रवाशांचे प्रचंड हाल झाले आहेत. (फोटो- निर्मल हरिंद्रन)
-
रात्रभर पावसाने हजेरी लावल्याने मुंबईची लाईफ लाईन समजल्या जाणा-या लोकल सेवेवर परिणाम झाला असून, मध्य रेल्वेवरील वाहतूक २० ते २५ मिनिटे उशिराने सुरु आहे. (फोटो- निर्मल हरिंद्रन)
-
पावसामुळे रेल्वे ट्रॅकवर पाणी भरल्याने पश्चिम रेल्वे आणि हार्बरची वाहतूक १० ते १५ मिनिटे उशिराने आहे. (फोटो- निर्मल हरिंद्रन)
-
पुढील २४ तासांमध्ये मुंबई आणि उपनगरातील काही भागांमध्ये मुसळधार पावसाची शक्यता असून दुपारनंतर पावसाचा जोर वाढेल, असा अंदाज हवामान खात्याने वर्तवला आहे. (फोटो- निर्मल हरिंद्रन)
Sharad Pawar : विधानसभेत ‘मविआ’ला अपयश का आलं? शरद पवारांनी सांगितली तीन मोठी कारणं; म्हणाले, “बटेंगे तो कटेंगे…”
