-
मुंबईत आठवड्याच्या पहिल्याच दिवशी पावसाने दमदार हजेरी लावली आहे. यामुळे रेल्वे सेवेवर परिणाम झाला आहे. पश्चिम रेल्वे मार्ग, मध्य रेल्वे मार्ग आणि हार्बर रेल्वे मार्ग अशा तिन्ही मार्गांवरची लोकल वाहतूक १५ ते २० मिनिटे उशिराने सुरू आहे. मुंबईतल्या अनेक सखल भागांमध्ये पाणी साठण्यास सुरूवात झाली आहे. रविवारी दुपारी काहीशी विश्रांती घेतलेल्या पावसाने रात्रीपासून दमदार बॅटिंग सुरू केली आहे. त्याचा परिणाम मुंबईच्या लोकल वाहतुकीवर झाला आहे.
-
नवी मुंबईतही चांगलाच पाऊस पडतो आहे त्या ठिकाणीही काही भागांमध्ये पाणी साठण्यास सुरूवात झाली आहे. कुर्ला ते सायन दरम्यान रूळांवर पाणी साठलं आहे असंही समजतं आहे.
-
शीव-पनवेल महामार्गावरील ही दृष्ये (फोटो: नरेंद्र वासकर)
-
कुर्ला आणि दादरदरम्यान शीव स्थानकाजवळ पाण्याखाली गेलेले रेल्वे ट्रॅक्स. मध्य रेल्वेबरोबरच पश्चिम रेल्वेची वाहतूकही विस्कळीत झाली आहे. पालघर, डहाणू या भागात तुफान पाऊस पडत असल्याने पश्चिम रेल्वे मार्गावच्या अनेक एक्स्प्रेस रद्द करण्यात आल्या आहेत. बलसाड-वापी, वापी सुरत, डहाणूरोड ते बोरीवली या आणि अशा ट्रेन्स रद्द करण्यात आल्या आहेत. केळवे स्थानकात पाणी साठल्याने आणि पालघर, डहाणू परिसरात तुफान पाऊस झाल्याने हा निर्णय घेण्यात आला आहे. दक्षिण गुजरात, पालघर भागात अनेक ठिकाणी मुसळधार पाऊस झाला त्यामुळे रेल्वे सेवा विस्कळीत झाली आहे.
-
मुंबईच्या पश्चिम आणि पूर्व उपनगरात चांगलाच पाऊस सुरू आहे. एवढंच नाही तर दक्षिण मुंबईतही जोरदार पावसाची हजेरी आहे. त्यामुळे वेगवान शहर अशी ओळख असलेल्या मुंबईचा वेग काहीसा मंदावला आहे. आज पहाटेच मालगाडीचे डबे घसरल्याने मुंबई पुणे रेल्वे सेवा विस्कळीत झाली आहे. अशात आता पावसाने जोरदार हजेरी लावल्याने त्याचा परिणाम मुंबईतील लोकल सेवेवेवरही झाला आहे.
-
लोणावळा-कर्जत दरम्यान मालगाडीचे डबे घसरले, इंद्रायणी, डेक्कन एक्स्प्रेस रद्द
-
मुंबई पुणे रेल्वे मार्गावर मालगाडीचे डबे घसरल्याची घटना आज पहाटे साडेचारच्या सुमारास घडली. यानंतर पुण्याच्या दिशेने जाणारी रेल्वे वाहतूक बंद झाली आहे. पुण्याहून मुंबईच्या दिशेने येणारी वाहतूक विस्कळीत झाली आहे. मुंबई पुणे रेल्वे मार्ग विस्कळीत झाला आहे. जामरुंग रेल्वे स्थानकाजवळ आज पहाटेच्या सुमारास ही घटना घडली.
-
अनेक ठिकाणी विद्यार्थ्यांना गुडघाभर पाण्यातून शाळेत जावे लागले. (फोटो: गणेश शिर्सेकर)
-
शीव-पनवेल महामार्गावरील ही दृष्ये (फोटो: नरेंद्र वासकर)
-
शीव-पनवेल महामार्गावरील ही दृष्ये (फोटो: नरेंद्र वासकर)
-
शीव-पनवेल महामार्गावरील ही दृष्ये (फोटो: नरेंद्र वासकर)
समांथा रुथ प्रभूने शेअर केलेल्या कवितेवर अर्जुन कपूरची प्रतिक्रिया; म्हणाला, “जेव्हा मला प्रेरणा…”
