स्थानिक पदाधिकाऱ्यांचा रोष स्वीकारत भाजपाने मुख्यमंत्र्याचे पीए अभिमन्यू पवार यांना उमेदवारी दिली होती. त्यांच्याविरोधात काँग्रेसचे बसवराज पाटील हे निवडणूक लढवत असून, पहिल्या पाच फेऱ्यांमध्ये ९ हजार मतांनी आघाडी घेतली आहे. 
भाजपासाठी महत्त्वाची लढत असलेल्या सातारा लोकसभा पोटनिवडणुकीत उदयनराजे हे तब्बल १५ हजार मतांनी पिछाडीवर आहेत. त्यांना राष्ट्रवादी काँग्रेसचे श्रीनिवास पाटील यांनी आघाडी घेत तगडे आव्हान दिले आहे. 
परळी विधानसभा मतदारसंघात राष्ट्रवादीचे नेते धनंजय मुंडे आणि भाजपाच्या पंकजा मुंडे यांच्यात लढत होत आहे. शेवटच्या दिवशी झालेल्या घटनेमुळे पंकजांना यश मिळेल, असं चित्र होतं. मात्र प्रत्यक्ष निकालात सहाव्या फेरी अखेर धनंजय मुंडे यांनी ६ हजार मतांनी आघाडी घेतली आहे. त्यामुळे पंकजा मुंडे पिछाडीवर असल्याचं दिसून येत आहे. 
मुक्ताईनगर मतदारसंघातून भाजपाचे ज्येष्ठ नेते एकनाथ खडसे यांना डावलून त्यांच्या कन्या रोहिणी खडसे यांना उमेदवारी देण्यात आली होती. रोहिणी खडसे यांना ३७५८ मते मिळाली असून, पाटील यांना ४०६२ मते मिळाली आहेत. 
मुख्यमंत्री देवेंद्र फडणवीस यांच्या मंत्रिमंडळात असलेल्या राम शिंदे यांची जागाही धोक्यात आहे. राष्ट्रवादीचे उमेदवार आणि शरद पवार यांचे नातू रोहित पवार हे ५ हजार मतांनी आघाडीवर आहे
समांथा रुथ प्रभूने शेअर केलेल्या कवितेवर अर्जुन कपूरची प्रतिक्रिया; म्हणाला, “जेव्हा मला प्रेरणा…”
