भारतीय रेल्वेनं करून दाखवलं!

1/15

करोनाचा संसर्गाला आळा घालण्यासाठी संपूर्ण जग झटत आहे. भारतातही दिवसरात्र युद्धपातळी करोनाविरोधात उपाययोजना सुरू आहेत. करोनाग्रस्त आणि संशयितांची संख्या दिवसेंदिवस वाढत असल्यानं त्यांच्या उपचारांसाठी योजना हाती घेण्यात आली आहे. (फोटो : इंडियन एक्स्प्रेस आणि भारतीय रेल्वे)

2/15

सरकारकडून करण्यात येत असलेल्या उपाययोजनांसाठी सर्वच स्तरातून मदतीचे हात पुढे येत आहे. यात ठप्प झालेली भारतीय रेल्वेही धावून आली आहे.

3/15

करोनाला वेळीच आळा घालता यावा आणि करोनाचा संसर्ग झालेल्या रुग्णांवर वेळीच उपचार करता यावे यासाठी रेल्वेनं जुन्या बोगीमध्ये क्वारंटाइन आणि आयसोलेशन कक्ष तयार केले आहेत.

4/15

रेल्वेनं बोगींचं विलगीकरण कक्षात रुपांतर तयार केलं आहे.

5/15

यामध्ये सहा सीट असलेल्या भागांतील एका बाजूची मधली सीट, विरोधी बाजूच्या तीन सीट काढून टाकण्यात आल्या आहेत.

6/15

म्हणजे एका बाजूला दोन रुग्णांना दाखल करून घेता येणार आहे.

7/15

दोन रुग्णांमध्ये सुरक्षित अंतर राखता येईल अशा पद्धतीनं हे बदल करण्यात आले आहेत.

8/15

सीट बरोबरच रेल्वेच्या शौचालयातही बदल करण्यात आला आहे.

9/15

दिल्लीतील रेल्वे बांधणी डेपोत हे काम करण्यात आलं आहे.

10/15

आरोग्य विभागाच्या विशेष पथकाच्या देखरेखीखाली हे काम करण्यात आलं.

11/15

एका रेल्वेमध्ये अशा पद्धतीनं अलगीकरण आणि विलगीकरण कक्ष तयार करण्यात आले.

12/15

आता अशाच पद्धतीनं इतर रेल्वेमध्ये हे बदल केले जाणार आहे. यासाठी जुन्या गाड्या वापरण्यात येणार आहे.

13/15

रेल्वेमध्ये हे बदल करण्याआधी या रेल्वेचं व्यवस्थित निर्जंतुकीकरण करण्यात येत.

14/15

भारतात दिवसेंदिवस रुग्णांची संख्या वाढत आहेत. त्यामुळे रेल्वेनं अलगीकरण आणि विलगीकरण कक्ष वाढवण्याचा निर्णय घेतला आहे.

15/15

रायबरेली आणि चेन्नई येथील रेल्वे कोच तयार करणाऱ्या कारखान्यांना तसे निर्देशही देण्यात आले आहेत. भारतीय वाहतुकीचा कणा असलेल्या रेल्वेनं करोनामुळे उद्भवलेल्या संकटाच्या काळात महत्त्वाचं काम करून दाखवलं आहे.