-
मुंबई : राज्यातील सर्वात मोठा उत्सव असलेल्या गणेशोत्सवावर यंदा करोनाचं सावट आहे. याचा सर्वाधिक फटका मुंबईतील गणेशोत्सवाला बसला आहे. (सर्व छायाचित्रे – प्रदीप दास)
-
गणेशोत्सव हा मुंबईतील एक महत्वाचा सण असून गणेश मूर्ती घडवणारी कलाकार मंडळी या सणाची दरवर्षी वाट पाहत असतात, कारण या काळातच त्यांची चांगली कमाई होते.
-
यंदा करोनाच्या संकटामुळे राज्य शासनानं या दहा दिवसांच्या उत्सवावर कडक निर्बंध लादले आहेत.
-
त्यामुळे मुंबईतील बिगबजेट सार्वजनिक गणोशोत्सव मंडळांनी यंदा हा उत्सव नेहमीसारखा भव्य स्वरुपात साजरा न करता छोट्या गणेश मूर्तीसह साजरा करण्याचे ठरविले आहे.
-
मूर्तिकार संजय वाईकर म्हणाले, मी पेणवरुन रंगकाम न केलेल्या मूर्ती आणल्या त्यानंतर त्यांच्यावर स्वतः रंगकाम करुन त्यांची सजावटही केली. मी मातीची भांडीही विकली मात्र आता सर्वकाही ठप्प झालं आहे. सध्या हा व्यवसायच मंदावला आहे.
-
गणेश मूर्ती बनवणाऱ्या कारखान्यातील काही कलाकार आता रोजीरोटीसाठी भाजीविक्रीचा व्यवसाय करीत आहेत.
-
मूर्तिकार दिलीप रॉयभा म्हणाले, वर्षातील गणपती, दसरा आणि दिवाळी हे सण आमचे मुख्य उत्पन्नाचे स्त्रोत आहेत. या काळात वर्षभर आपली गरज भागेल इतकी कमाई आम्ही करतो.
-
यंदा गणेशमूर्ती विक्रीसाठी भाड्याने घेतलेल्या गाळ्यांचं भाडंही निघू शकेल की नाही याबाबत शंका आहे. आता केवळ या उत्सवासाठी महिन्याचाच कालावधी शिल्लक आहे.
-
यापूर्वी नागरिक प्रत्यक्ष गणेशोत्सवाला सुरुवात होण्याआधीच गणेश मूर्तींचं बुकिंग करीत असत. यंदा केवळ घरगुती पुजेसाठीच्या छोट्या गणेश मूर्तींनाच बाजारात मागणी आहे.
Bigg Boss चा बंगला! सूरज चव्हाणच्या नव्या घराच्या बांधकामाला सुरुवात; दाखवली पहिली झलक, नेटकरी म्हणाले, “कष्टाचं…”
