-
सध्या संपूर्ण देशभरात करोनामुळे आणीबाणीसदृष्य परिस्थिती निर्माण झाली आहे. देशातील अनेक सणांवरही या विषाणूचं सावट आहे. तीन दिवसांवर येऊन ठेपलेल्या रक्षाबंधनाच्या संकटावरही या विषाणूच्या प्रादुर्भावाचं सावट आहे. (सर्व फोटो – कृष्णा पांचाळ)
-
यंदा विषाणूच्या प्रादुर्भावामुळे अनेक भावा-बहिणींनी रक्षाबंधनाचा कार्यक्रम रद्द केला आहे. त्यामुळे बाजारात राख्यांना फारशी मागणी नाही.
-
करोनामुळे निर्माण झालेली परिस्थिती आणि त्यातच मालाला असलेली कमी मागणी यामुळे राखी व्यवसायिक चिंतेत आहेत. पिंपरी-चिंचवडमधील दुकानं ओस पडलेली पहायला मिळाली.
-
एरवी रक्षाबंधन सण काही दिवसांवर आलेला असताना राखी विकत घेण्यासाठी दुकानांमध्ये महिला वर्ग गर्दी करायचा, परंतू यंदा करोनाच्या भीतीमुळे परिस्थिती बदलून गेली आहे.
-
आतापर्यंत फक्त ३० टक्के मालच विकला गेल्याचं पिंपरी-चिंचवडमधील काही दुकानदारांनी सांगितलं.
-
अनेक दुकानांमध्ये ७० टक्के माल पडून आहे, त्यामुळे त्या मालाचं करायचं काय आणि नुकसान कसं भरुन काढायचं अशा चिंतेत दुकानदार पडले आहेत.
-
लॉकडाउनच्या काळातही बाजारात राख्यांच्या डिजाईनमध्ये वैविध्य दिसत आहे. मोठ्या मुलांपासून ते लहानांना आवडणाऱ्या कार्टुनच्या राख्याही बाजारात आहेत.
-
करोनामुळे निर्माण झालेल्या परिस्थितीमुळे राख्यांचे दरही किमान २० टक्क्यांनी वाढले आहेत.
-
नाव लिहिलेली राखी, एक्रेलिक बोर्ड फ्रेम, वूडन अथवा बांबूच्या राख्याही उपलब्ध झाल्या आहेत. माणिक आणि खडय़ांच्या राख्यांचीही मागणी जोरात आहे.
-
टाळेबंदीमुळे सर्वानाच आर्थिक चणचण जाणवत असल्याने यंदा राखीचा सण साधेपणाने साजरा करण्याकडे अनेकांचा कल आहे.
-
२० रुपयांपासून ते २ हजार रुपयापर्यंतची राखी यंदा बाजारात आहे, परंतू महागड्या राख्या सोडा..साध्या राख्यांनाही यंदा बाजारात फारशी मागणी नाही.
-
भाऊ-बहिणीचं नातं दृढ करणारा रक्षाबंधन हा सणही यंदा करोनाच्या विळख्यात सापडला आहे.
Maharashtra Assembly Election Results 2024 Live Updates: महायुती बहुमताच्या दिशेने; मतमोजणी सुरू असतानाच घेतली मोठी आघाडी
