पुणेकरांनो करोनावर लस मिळेल, पण या बेजबाबदारपणाचं काय करायचं??

1/

करोना विषाणूमुळे देशभरात निर्माण झालेली परिस्थिती आपण सर्वांनी अनुभवलीच आहे. महाराष्ट्रात पुणे शहराला या विषाणूच्या प्रादुर्भावाचा फटका बसला. गेल्या काही महिन्यांपासून स्थानिक महापालिका आणि आरोग्य प्रशासन शहरात कुठेही अस्वच्छता राहणार नाही याची काळजी घेताना दिसत आहे. परंतू पुणेकर नागरिकांकडून त्याला फारसा प्रतिसाद मिळताना दिसत नाही. (सर्व छायाचित्र – पवन खेंगरे)

2/

पर्वती आणि तळजाई परिसरातल्या कचराकुंड्या काही दिवसांपूर्वी महापालिकेने हटवल्या आहेत. या ठिकाणी कचरा टाकू नये असा स्पष्ट बोर्ड लावलेला असतानाही चित्र काहीसं वेगळच दिसतंय.

3/

या भागांत फिरायला येणारे नागरिक खुलेआम रस्त्यावर कचरा टाकत आहेत, त्यामुळे परिसरात खूप दुर्गंधी पसरतेय.

4/

अनेकदा अन्नाच्या शोधात रस्त्यावरील प्राणी कचरा कुंडीकडेच येतात..ज्यामुळे ही घाण आणि दुर्गंधी अधिकच पसरली जाते.

5/

पुणे महापालिकेच्या स्वच्छता विभागाचे कर्मचाही हा कचरा साफ करत असतात, परंतू नागरिक या ठिकाणी कचरा टाकण्याचं थांबवत नसल्यामुळे या परिसराला एक बकाल रुप आलंय.