ओटीटीवरचा खमंग फराळ; दिवाळीत प्रदर्शित होणार ‘हे’ चित्रपट आणि वेब सीरिज

1/10

लक्ष्मी : अक्षयकुमार आणि कियारा अडवाणी या जोडीचा पहिलाच आणि बहुचर्चित चित्रपट लक्ष्मी हा ९ नोव्हेंबर रोजी म्हणजेच आज डिझ्ने प्लस हॉटस्टार या ओटीटी प्लॅटफॉर्मवर प्रदर्शित झाला. हॉरर-कॉमेडी जॉनरचा हा चित्रपट असून तामिळ हिट कंचनाचा तो हिंदी रिमेक आहे. (Photo : Akshaykumar Insta)

2/10

आश्रम सिझन २ : बॉबी देओलची निगेटिव्ह आणि दमदार भूमिका असलेल्या आश्रम या वेब सीरिजच्या पहिल्या भागाला चांगला प्रतिसाद मिळाला होता. त्यानंतर याच्या दुसऱ्या भागाची प्रेक्षक आतुरतेने वाट पाहत आहेत. त्यांची ही प्रतिक्षा लवकरच संपणार असून येत्या ११ नोव्हेंबर रोजी दुसरा सीझन मॅक्स प्लेअरवर प्रदर्शित होणार आहे. Photo: Screengrab/MX Player)

3/10

लुडो : प्रयोगशील दिग्दर्शक अनुराग बासूचा लुडो हा सिनेमा प्रदर्शनाच्या मार्गावर आहे. अभिषेक बच्चन, राजकुमार राव, सान्या मलहोत्रा, आदित्य रॉय कपूर. पंकज त्रिपाठी, फातिमा सना शेख अशी तगडी स्टारकास्ट असलेला हा सिनेमा १२ नोव्हेंबर रोजी नेटफ्लिक्सवर प्रदर्शित होणार आहे. अपघाताने मार्ग बदललेल्या चार व्यक्तींच्या जीवनाची ही कहाणी आहे. (Photo : google)

4/10

सुराराई पोत्रू (अ रिबेल विथ अॅन आयडिया) : सुधा कोंगरा दिग्दर्शित सुराराई पोत्रू हा सिनेमा १२ नोव्हेंबर रोजी अमॅझॉन प्राईमवर प्रदर्शित होणार आहे. यामध्ये सूर्या, अपर्णा बालमुराली, मोहन बाबू आणि परेश रावल एका महत्वाच्या भूमिकेत आहे. कॅप्टन जी आर गोपिनाथन यांचं आत्मचरित्र 'सिम्ली फाय' यावर आधारित हा सिनेमा आहे. (Photo : google)

5/10

मम भाई : क्राईम ड्रामा असलेला मम भाई हा सिनेमा १२ नोव्हेंबर रोजी अल्ट बालाजी आणि झी ५ वर प्रदर्शित होणार आहे. अंगद बेदी आणि सिकंदर खेर यांच्या यात प्रमुख भूमिका आहेत. १९९९-२००० या काळातील मुंबईतील गुन्हेगारी जगतावर हा सिनेमा बेतला आहे. (Photo: Angad Bedi/Twitter)

6/10

मोदी २ (सीएम टू पीएम) : पंतप्रधान नरेंद्र मोदी यांच्या जीवनावर आधारित मोदी या वेबसीरिजचा दुसरा सीझन १२ नोव्हेंबर रोजी इरॉस नाऊवर प्रदर्शित होत आहे. यामध्ये गुजरातचे मुख्यमंत्री ते भारताचे पंतप्रधान असा मोदींचा प्रवास दाखवण्यात आला आहे. (Photo: Eros Now/Twitter)

7/10

छलांग : हंसल मेहता यांचा बऱ्याच दिवसांनंतर एक हलकाफुलका सिनेमा प्रेक्षकांच्या भेटीला येत आहे. यामध्ये राजकुमार राव, नुसरत भरुचा, मोहम्मद झाशीन आयुब, सतिश कौशिक, सौरभ शुक्ला यांच्या भूमिका आहेत. १३ नोव्हेंबर रोजी अॅमेझॉन प्राईमवर तो प्रदर्शित होत आहे. (Photo : Google)

8/10

सर : रोहेना गेरा दिग्दर्शित आणि तिल्लोतमा शोम आणि विवेक गोम्बर यांच्या भूमिका असलेला सर हा सिनेमा १३ नोव्हेंबर रोजी सिनेमागृहामध्ये प्रदर्शित होणार आहे. दोन भिन्न व्यावसायातील नातेसंबंधांवर हा सिनेमा बेतलेला आहे. (Photo : Google)

9/10

द क्राऊन सिझन ४ : इंग्लंडची राणी एलिझाबेथ २ यांची कथा पुढे घेऊन जाणारा हा द क्राउनचा चौथा सिझन येत्या १५ नोव्हेंबर रोजी नेटफ्लिक्सवर प्रदर्शित होत आहे. राणी एलिझाबेथ आणि कॉन्झर्वेटिव्ह पार्टीचे नेत्या मार्गारेट थॅचर या २० व्या शतकातील दोन उल्लेखनीय महिलांच्या जीवनावर हा सिनेमा बेतलेला आहे. (Photo : Google)

10/10

सुरज पे मंगल भारी : अभिषेक शर्मा दिग्दर्शित सुरज पे मंगल भारी हा सिनेमा येत्या १५ नोव्हेंबर रोजी चित्रपटगृहात प्रदर्शित होत आहे. यामध्ये मनोज वाजपेयी, दलजीतसिंग दोसांज आणि फातिमा सना शेख यांच्या प्रमुख भूमिका आहेत. हलकाफुलका कॉमेडी जॉनरचा हा सिनेमा आहे. (Photo: Manoj Bajpayee/Twitter)