-
इंडो-तिबेटियन बॉर्डर पोलीसांनी (आयटीबीपी) लडाखमध्ये उणे २० डिग्री तापमानात दिवाळी साजरी केली. (All Photo source :@ITBP_official)
-
१७,००० फूट उंचावरील या ठिकाणी सध्याचं तापमान हे शून्याखाली आहे. मात्र, तरीही आपला उत्साह कायम असणाऱ्या आयटीबीपीच्या जवानांनी वाजत गाजत दिवाळी साजरी केली.
-
जवानांनी पारंपारिक स्वरुपातील पणत्या प्रज्वलित करुन आपल्या सहकाऱ्यांना दीपावलीच्या शुभेच्छा दिल्या.
-
दिव्यांच्या आराससहित नाच-गाणी करीत जवानांनी दिवाळीच्या या पर्वाचा आनंद लुटला.
-
लडाखमधून २,४८८ किमी लांब भारत-चीन सीमा जाते. सध्या इथलं तापमान हे उणे २० डिग्री सेल्सिअस आहे ते थंडीच्या दिवसात उणे ४० डिग्रीपर्यंत खाली जाते, अशा प्रतिकूल परिस्थितीत सणउत्सव त्यांच्यामध्ये नवी प्रेरणा निर्माण करतात.
-
यंदाच्या दिवाळीच्या सेलिब्रेशनदरम्यान जवानांनी माजी पंतप्रधान अटलबिहारी वाजपेयी यांचं प्रसिद्ध गीत 'आओ फिर फिर दिया जलाएं' गायलं. तसेच ते दिवाळीनिमित्त देशवासियांना अर्पण केलं.
-
सीमेवर लढणाऱ्या जवानांच्या आठवणींसाठी आपल्या दारात एक दिवा लावा, असं आवाहन शुक्रवारी पंतप्रधान नरेंद्र मोदी यांनी देशाला केलं होतं.
-
दरम्यान, शनिवारी स्वतः जैसलमेर येथील सीमेवर जाऊन मोदींनी यंदाची दिवाळी बीएसएफच्या जवानांसोबत साजरी केली.
-
अतिशय बिकट परिस्थितीत देशाच्या सीमांचे रक्षण करणाऱ्या आयटीबीपीच्या जवानांचा दिवाळी सेलिब्रेशनदरम्यानचा उत्साह वाखाणण्याजोगा आहे.
-
उत्तराखंडमध्ये मुख्यमंत्री त्रिवेंद्रसिंह रावत यांनी हर्शिल व्हॅलीतील कोपंग येथे जाऊन आयटीबीपीच्या जवानांसोबत दिवाळी साजरी केली. यावेळी त्यांनी जवानांना मिठाईचे वाटप केले.
बुलढाण्यातील केस गळतीचे रहस्य उलगडले; रोजच्या आहारातील अन्न ठरतंय कारणीभूत, जाणून घ्या कारण
