-
माजी उपमुख्यमंत्री आणि राष्ट्रवादी काँग्रेसचे नेते आर. आर. पाटील यांची आज ६४ वी जयंती. उमदा, लोकप्रिय आणि स्वच्छ प्रतिमेचा नेता म्हणून आर. आर. पाटील यांनी राजकारणात आपली वेगळी ओळख निर्माण केली. राज्यभरात ते आबा या टोपणनावाने ओळखले जायचे. आज त्यांच्या जयंतीनिमित्त जाणून घेऊयात त्यांच्या राजकीय प्रवासाबद्दल….
-
आर. आर. पाटील यांचं पूर्ण नाव रावसाहेब रामराव पाटील असं होतं. त्यांना सर्वजण आर.आर.आबा, आबा या नावाने संबोधत असत. बी.ए., एल.एल.बी. पर्यंत शिकलेले आबा १९७९ मध्ये सांगली जिल्ह्यातील सावळजमधून जिल्हा परिषदेवर निवडून गेले. १९७९ ते ९० या काळात त्यांनी जिल्हा परिषदेचे सदस्य म्हणून काम केले.
-
१९९० मध्ये तासगावचे आमदार म्हणून पहिल्यांदाच ते विधानसभेत गेले. १९९०, १९९५, १९९९, २००४, २००९, २०१४ असे सलग सहा वेळा ते तासगावचे आमदार झाले.
-
२००८ सालच्या मुंबईतील दहशतवादी हल्ल्याच्यावेळी केलेल्या वादग्रस्त विधानामुळे त्यांना मंत्रिपद गमवावं लागलं होतं.
-
२००९ साली ते दुसर्‍यांदा गृहमंत्रिपदी विराजमान झाले. २००४ आणि २००९ या काळात त्यांनी राष्ट्रवादी काँग्रेस पक्षाचे प्रदेशाध्यक्षपद भूषवलं होतं. आर.आर.पाटील यांनी राज्यात संत गाडगेबाबा ग्रामस्वच्छता अभियान यशस्वीपणे राबवले तसंच ग्रामीण महाराष्ट्रामध्ये महात्मा गांधी तंटामुक्ती अभियान राबवले.
-
त्यांनी डान्सबार बंदीचा धाडसी निर्णय घेतला आणि त्याची यशस्वीरित्या अंमलबजावणीही केली. डान्सबार बंदीच्या निर्णयावर अनेक स्तरांमधून टीका झाल्यानंतरही आबा आपल्या निर्णयावर शेवटपर्यंत ठाम राहिले.
-
आर.आर. पाटील यांनी नक्षलग्रस्त गडचिरोली जिल्ह्याचं पालकत्व स्वीकारले. या काळात त्यांनी जिल्ह्यामध्ये विविध विकासकामे करून नक्षलग्रस्त भागातील ग्रामस्थांमध्ये विश्वासाचे वातावरण निर्माण केले. आदिवासींच्या मुलांना दत्तक घेऊन मुख्य प्रवाहात आणले. गडचिरोलीमधील विकासकामांना त्यांच्या प्रयत्नांमुळे चालना मिळाली
-
त्यांच्या निधनाने महाराष्ट्राच्या राजकारणातला हिरा गमावल्याची भावना राजकीय नेते तसंच जनसामान्यांतूनही व्यक्त केली जात होती. आजही त्यांच्या आठवणीने त्यांच्या कार्यकर्त्यांचा तसंच त्यांच्या राजकीय स्नेह्यांचा उर भरुन येतो.
हाडं मोडली, ओठ चिरला अन्…; बॉलीवूड अभिनेत्रीचा भीषण अपघात, फोटो पाहून चाहते काळजीत
