पूर्वांचल एक्स्प्रेसवेवर भारतीय हवाई दलाने दाखवली आपली ताकद; पंतप्रधानांचे सुपर हर्क्यूलस विमानातून लँडिंग

1/11

पंतप्रधान मोदींनी मंगळवारी उत्तर प्रदेशातील सर्वात मोठ्या ३४१ किमी पूर्वांचल एक्स्प्रेसवेचे उद्घाटन केले आहे. (फोटो सौजन्य – ANI)

2/11

हा एक्स्प्रेस वे राज्याचा पूर्व आणि पश्चिम भाग जोडणार आहे. यामुळे लखनऊ ते गाझीपूर हा प्रवास अवघ्या साडेचार तासात पूर्ण करता येणार आहे. (नरेंद्र मोदी/ ट्विटर)

3/11

लखनऊमधील चांद सराय येथून सुरू होऊन गाझीपूरपर्यंत पोहोचणाऱ्या या एक्स्प्रेस वेच्या उभारणीसाठी २२ हजार ४९३ कोटी रुपये खर्च करण्यात आले आहेत. (नरेंद्र मोदी/ ट्विटर)

4/11

हा एक्स्प्रेस वे लखनऊ, बाराबंकी, अमेठी, अयोध्या, सुलतानपूर, आंबेडकर नगर, आझमगड, मऊ आणि गाझीपूर या नऊ जिल्ह्यांतून जाणार आहे. (नरेंद्र मोदी/ ट्विटर)

5/11

सध्या द्रुतगती मार्ग सहा लेनचा आहे, तो नंतर आठ लेनपर्यंत वाढवता येईल. सध्या हा एक्स्प्रेस वे टोल टॅक्सपासून मुक्त ठेवण्यात आला आहे. (नरेंद्र मोदी/ ट्विटर)

6/11

पंतप्रधान मोदी पूर्वांचल एक्स्प्रेसवेचे उद्घाटन करण्यासाठी भारतीय हवाई दलाच्या हर्क्यूलस विमानाने उत्तर प्रदेशात दाखल झाले. (फोटो सौजन्य – ANI)

7/11

नरेंद्र मोदींनी भारतीय हवाई दलाच्या C-130J सुपर हर्क्यूलस विमानातून या ३.२ किमी एक्स्प्रेसवेवर लँडिंग केले. (फोटो सौजन्य – ANI)

8/11

पंतप्रधान मोदींचे हर्क्यूलस विमान पूर्वांचल एक्सप्रेसवेवर उतरल्यानंतर योगींनी त्यांचे स्वागत केले. (फोटो सौजन्य – ANI)

9/11

सुलतानपूर येथे उभारण्यात आलेला हा ३.२ किमीचा पट्टा विमानांच्या एमर्जन्सी लँडिंगसाठी धावपट्टी म्हणून विकसित करण्यात आला आहे. (फोटो सौजन्य – ANI)

10/11

उद्घाटन समारंभानंतर हवाई दलाचा ४५ मिनिटांचा एअर शो देखील पार पडला, ज्यामध्ये एक्स्प्रेस वेवर बांधलेल्या हवाई पट्टीवरून लढाऊ विमानांनी उड्डाण केले. (फोटो सौजन्य – ANI)

11/11

यावेळी एक्स्प्रेस वेवर आपत्कालीन परिस्थितीत विमाने उतरवण्याची क्षमताही योगी सरकारने दाखवली आहे. (फोटो सौजन्य – ANI)