-
भारताच्या गानकोकिळा म्हणून प्रसिद्ध असलेल्या लता मंगेशकर यांचे वयाच्या ९२ व्या वर्षी निधन झालं. यानंतर देशभरात शोककळा पसरली.
-
लता मंगेशकर यांच्या पार्थिवावर शासकीय इतमामात अंत्यसंस्कार होणार आहेत.
-
त्यांचं पार्थिव शिवाजी पार्क येथे नेण्यासाठी लष्कराची गाडी फुलांनी सजवण्यात आली.
-
लष्करी अधिकारी भारतरत्न लता मंगेशकर यांचं पार्थिव घरातून गाडीकडे नेत असताना.
-
सुरुवातीला लता मंगेशकर यांचं निवासस्थान प्रभूकुंजबाहेर त्यांना मानवंदना देण्यात आली.
-
शिवाजी पार्कवर लता मंगेशकर यांच्या अंत्यदर्शनाला पंतप्रधान मोदींपासून अनेक दिग्गज उपस्थित राहणार आहेत. याशिवाय लाखोंच्या संख्येत सर्वसामान्य नागरिक देखील हजर राहण्याची शक्यता आहे. (फोटो सौजन्य : दीपक जोशी/एक्स्प्रेस फोटो)
-
या पार्श्वभूमीवर शिवाजी पार्कवर प्रशासनाकडून मोठी तयारी केली जात आहे. पोलिसांकडून शिवाजी पार्क परिसरात तात्पुरते नियंत्रण कक्ष उभारण्यात येणार आहे. (फोटो सौजन्य : दीपक जोशी/एक्स्प्रेस फोटो)
-
शिवाजी पार्कवर सर्वसामान्य नागरिक आणि अतिमहत्त्वाचे पाहुणे यांच्यासाठी दोन वेगवेगळ्या गेटमधून प्रवेश निश्चित करण्यात आला आहे. प्रमुख राजकीय नेत्यांना उद्यान गणेश मंदिरा शेजारच्या प्रवेशद्वारातून प्रवेश देण्यात येणार आहे. (फोटो सौजन्य : दीपक जोशी/एक्स्प्रेस फोटो)
-
शिवाजी पार्कवर शासकीय इतमामात लता मंगेशकर यांना मानवंदना दिली जाणार आहे. (फोटो सौजन्य : दीपक जोशी/एक्स्प्रेस फोटो)
-
यासाठी पोलीस प्रशासनाकडून व्यवस्था केली जात आहे. शिवाजीपार्क, दादर, माहिम, प्रभादेवी परिसरात १ हजार वाहतूक कर्मचारी तैनात राहणार आहेत. (फोटो सौजन्य : दीपक जोशी/एक्स्प्रेस फोटो)
-
स्वतः पंतप्रधान मोदी अंत्यदर्शनाला येणार असल्याने सुरक्षेचे प्रोटोकॉल जास्त चोख असणार आहेत. (फोटो सौजन्य : दीपक जोशी/एक्स्प्रेस फोटो)
-
या दृष्टीकोनातून पोलीस प्रशासनाकडून पोलीस तैनात करण्यात आले आहेत. शिवाजी पार्कवर बंदोबस्ताला १० हजार पेक्षा जास्त पोलीस अधिकारी व कर्मचारी तैनात असणार आहेत. (फोटो सौजन्य : दीपक जोशी/एक्स्प्रेस फोटो)
-
संध्याकाळी ६.३० च्या दरम्यान वाजता मुंबईतील शिवाजी पार्क येथे शासकीय इतमामाने अंत्यसंस्कार करण्यात येणार आहेत. (फोटो सौजन्य : दीपक जोशी/एक्स्प्रेस फोटो)
एका किसिंग सीनसाठी बॉलीवूड अभिनेत्याने घेतलेले तब्बल ३७ रिटेक, अभिनेत्रीला जबाबदार धरत म्हणालेला, “ती जाणूनबुजून…”
