PHOTOS : अंतिम क्षणापर्यंत रंगला महाराष्ट्र केसरी-२०२२ चा थरार; कोल्हापूरच्या पृथ्वीराज पाटील ठरला मानकरी!

1/22

महाराष्ट्र केसरीच्या गदेसाठी कोल्हापूरचा पृथ्वीराज पाटील विरूद्ध मुंबई पूर्वचा विशाल बनकर यांच्यात अटीतटीची लढत झाली. यामध्ये पृथ्वीराज पाटील याने विशाल बनकर याचा पराभव करत, २०२२ ची महाराष्ट्र केसरीची गदा पटकावली.

2/22

तब्बल २१ वर्षा नंतर कुस्तीची पंढरी असलेल्या कोल्हापुरात महाराष्ट्र केसरीची प्रतिष्ठेची गदा पृथ्वीराज पाटील यांच्या रूपाने आली आहे. 

3/22

पृथ्वीराजने चार गुणांची पिछाडी भरून काढत पाच विरुद्ध चार असा विजय मिळवला.

4/22

या दैदीप्यमान यशानंतर कोल्हापुरात पृथ्वीराजवर कौतुकाचा वर्षाव होत आहे.

5/22

पन्हाळा तालुक्यातील देवठाणे या गावच्या पृथ्वीराजने शाहू कुस्ती केंद्र शिंगणापूर येथे सुरुवातीला कुस्तीचा सराव केला. 

6/22

त्याचे काका संग्राम पाटील, जालिंदर मुंडे आदींनी त्यास मार्गदर्शन केले.

7/22

जागतिक कुमार स्पर्धेत कास्यपदक मिळाल्याने त्यास सैन्यदलात नोकरीची संधी मिळाली.

8/22

तर दुसरीकडे ट्रिपल महाराष्ट्र केसरी, पोलीस उपाधीक्षक नरसिंग यादव यांच्यासोबत भारतीय कुस्ती शिबिरात त्याचा सराव सुरू असतो.

9/22

सुरूवातीला पृथ्वीराज आणि विशालची खडाखडी झाली.दोघांनीही एकमेकांची मनगटे धरल्याने पंचांनी त्यांना ही कुस्तीतील निष्क्रियता आहे असे सांगून रोखले होते.

10/22

पृथ्वीराज २००९ ला मोतीबाग तालमीत दाखल झाला. महान भारत केसरी दादू चौगले यांच्या मार्गदर्शनाखाली त्याचा कुस्तीतला प्रवास सुरू झाला.

11/22

२०२१ ला झालेल्या सिनियर नॅशनल स्पर्धेत सुवर्ण आणि २०२२ ला कास्यपदक पटकावले होते.

12/22

याचबरोबर खेलो इंडिया २०२० ला सुवर्णपदक पटकावले.

13/22

तर, २०१९ ला महाराष्ट्र केसरी स्पर्धेत ९२ किलो गटातही त्याने सुवर्णपदक पटकावले होते.

14/22

पृथ्वीराजने महाराष्ट्र केसरी पदक मिळाल्यानंतर त्याच्यावर समाज माध्यमातून कौतुकाचा वर्षाव सुरू झाला

15/22

पृथ्वीराजनं अखेरच्या ४५ सेकंदात सामन्याला कलाटणी दिली. त्याने ५-४ अशा फरकाने सामना जिंकत महाराष्ट्र केसरीचा किताब आपल्या नावे केला.

16/22

या अगोदर पृथ्वीराजने पुणे शहरच्या हर्षद कोकाटेवर एकतर्फी विजयाची नोंद केली होती.

17/22

पहिल्या राऊंड मध्ये बनकर याने चार गुणांची बढत घेतली होती. पण ही आघाडी मोडून पृथ्वीराज पाटील याने आक्रमक खेळ करत पाच गुण घेतले.

18/22

पृथ्वीराज हा प्रथमच या स्पर्धेसाठी उतरला होता. आणि पहिल्याच प्रयत्नात त्याने चंदेरी गदा पटकावली.

19/22

एकेरी प्रकारची पकड करत पृथ्वीराजने शेवटची अडीच मिनिटे जबरदस्त कुस्ती केली.

20/22

कुस्ती करत असताना मी जे ठरवले होते त्याप्रमाणे कुस्ती होत गेली आणि अंतिम क्षणी मी केलेली खेळी यशस्वी झाली आणि गुणाधिक्यावर मी जिंकलो, असं पृथ्वीवराजने सांगितलं आहे.

21/22

पहिल्या फेरीत विशालने आपल्या नैसर्गिक उंचीचा फायदा घेत आक्रमक खेळी करून पुरथ्वीराजवर गुणांची आघाडी घेतली होती.

22/22

राज्य कुस्तीगीर परिषदेच्या मान्यतेने सातारा जिल्हा तालीम संघ आयोजित ६४ वी राज्य अजिंक्यपद आणि महाराष्ट्र केसरी स्पर्धा साताऱ्यातील जिल्हा क्रीडा संकुलात पार पडली.