Photos : महाबळेश्वर पाचगणी पर्यटकांच्या गर्दीने फुलले, पाहा काही खास क्षणचित्रे…

1/9

सलग सुट्ट्यांमुळे महाबळेश्वर पाचगणी पर्यटकांच्या गर्दीने फुलून गेले. दिवसभर विविध पॉईंट्सवर आणि बाजारपेठेत पर्यटकांची मोठी गर्दी झाली. सध्या एकूणच महाबळेश्वरला जत्रेचे स्वरूप आले. (संग्रहित छायाचित्र)

2/9

या आठवड्यातील सुट्ट्यांमुळे महाबळेश्वर एकदम हाऊसफुल्ल झाले. वाहनांच्या गर्दीने वाहतुकीची कोंडी झाल्याने पर्यटक वाहतूक कोंडीत अडकून पडले. मात्र, वाहतूक नियंत्रण होताना दिसत नाही. त्यामुळे पर्यटकांकडून नाराजी व्यक्त होत आहे.

3/9

करोनाचे सगळे निर्बंध उठल्यामुळे महाबळेश्‍वर व पाचगणी ही दोन्ही पर्यटनस्थळे पर्यटकांच्या मोठ्या गर्दीने गजबजून गेली. सकाळी सूर्योदय पाहण्यासाठी येथील विल्सन पॉईंट, संध्याकाळी सूर्यास्ताचे विहंगम दृश्य पाहण्यासाठी येथील मुंबई पॉईंटवर पर्यटकांची एकच गर्दी उसळली.

4/9

पर्यटक दिवसभर विविध पॉईंट्सची सफर करत आहेत. येथील अनोख्या व विलोभनीय निसर्ग सौंदर्याचा मनसोक्त आनंद लुटत आहेत.

5/9

महाबळेश्वर येथील वेण्णा लेकवर नौकाविहार, लालचुटूक स्ट्रॉबेरी, गाजर, त्यांच्या जोडीला मक्याचे कणीस, मक्याचे पॅटीस यावर पर्यटक येथेच्छ ताव मारत आहेत.

6/9

लेकच्या चौपाटीवर भेळ पुरी, पाणीपुरी, रगडा पॅटीस, पॅटीस खाण्यासाठी पर्यटकांची पावले हातगाडीकडे वळत आहेत. या ठिकाणी अनेक पर्यटक घोडेस्वारी चाही आनंद लुटत आहेत.

7/9

पर्यटकांच्या वाहनांच्या गर्दीमुळे महाबळेश्वरकडे येणाऱ्या सर्व रस्त्यांवर वाहनांची गर्दी झाल्याने वाहतूक कोंडी ही झाल्याचं पाहायला मिळालं.

8/9

पर्यटकांच्या वाहनांच्या गर्दीने दोन किलोमीटर अंतरात वाहनांच्या दिवसभर लागला रांगा लागल्याचे दिसून आले. त्याचबरोबर आर्थर सीट, मुंबई, केटस पॉइंट या मार्गावर वाहतुकीच्या कोंडीत पर्यटक मोठ्या संख्येने अडकलेले दिसले.

9/9

सलग सुट्ट्यांमुळे येथे वाहतुकीची कोंडी होणार याची माहिती असूनही वाहतुकीची कोंडी सोडविण्यासाठी कोणतेही नियोजन पोलिसांकडून झाले नसल्याने पर्यटकांनी संतापही व्यक्त केला.