-
आषाढी एकादशीनिमित्त पंढरपूर येथे श्री विठ्ठल -रुक्मिणी मंदिरात प्रथेप्रमाणे रविवार १० जुलै रोजी मुख्यमंत्री एकनाथ शिंदे यांच्या हस्ते सपत्नीक शासकीय महापूजा होणार आहे.
-
या महापूजेसाठी आणि विविध कार्यक्रमांसाठी मुख्यमंत्री सोलापूर जिल्ह्याच्या दौऱ्यावर जाणार आहेत.
-
आषाढी एकादशीनिमित्त येवल्यातील पैठणी कारागीर संतोष जेजुरकर यांनी एक खास शेला तयार केला आहे.
-
संतोष यांनी पैठणीच्या शेल्यावर विठ्ठलाचा फोटो हाताच्या साह्याने विणकाम करून काढला आहे.
-
या कारागिराला याकरता एक महिन्याचा कालावधी लागला आहे.
-
हा शेला सचिन आहेर मित्र मंडळाच्या वतीने मुख्यमंत्री एकनाथ शिंदे यांना भेट देण्यात येणार आहे.
-
जगप्रसिद्ध असलेली येवल्याची पैठणी ही सर्वदूर आजही प्रसिद्ध आहे.
-
येथील कारागीर नेहमीच आपली कला आपल्या हाताच्या साह्याने पैठणी साडीवर साकारत असतात.
-
येवला तालुक्यातील पारेगाव या ग्रामीण भागातील संतोष जेजुरकर यांनी आपल्या हाताच्या साह्याने पैठणीच्या शेल्यावर विठुरायाची प्रतिमा साकारली आहे.
-
मुख्यमंत्री एकनाथ शिंदे यांना आषाढी एकादशी निमित्त भेट देण्यात येणार आहे.
-
रविवार १० जुलै रोजी मध्यरात्री अडीच ते पहाटे साडेचार वाजेपर्यंत ते श्री विठ्ठल रुक्मिणी मंदिरात शासकीय महापुजेसाठी उपस्थित राहतील.
-
पहाटे साडेपाच वाजता विठ्ठल मंदिर परिसरातील इस्कॉन आंतरराष्ट्रीय मंदिराचे भूमिपूजन मुख्यमंत्र्यांच्या हस्ते पार पडेल.
-
पहाटे पवाणेसहा वाजता नदी घाटाच्या लोकार्पण सोहळ्यास मुख्यमंत्री उपस्थित असतील असं त्यांच्या कार्यालयाकडून सांगण्यात आले आहे.
-
सकाळी सव्वा अकरा वाजता शासकीय विश्रामगृह येथे सोलापूर जिल्हयातील ‘सुंदर माझे कार्यालय’ या स्पर्धेच्या पारितोषिक वितरण सोहळ्यासाठी मुख्यमंत्री उपस्थित राहतील.
-
सकाळी पावणेबारा वाजता मुख्यमंत्री पंचायत समिती पंढरपूर येथे ‘स्वच्छता दिंडी’ समारोपामध्ये सहभागी होणार आहेत. दुपारी साडेबारा वाजता ते पक्ष मेळाव्यास उपस्थित राहतील. (फोटो सौजन्य : RNO)
५ मार्च राशिभविष्य: कृतिका नक्षत्रात १२ राशींच्या काम, खर्च व प्रेमाची स्थिती कशी असणार? पंचांगानुसार तुमच्या राशीचे भाग्य कसे उजळणार?
