-
आळंदीत संत श्रेष्ठ ज्ञानोबा माऊलींचा ७२६ वा संजीवन समाधी सोहळा मोठ्या उत्साहात आणि भक्तिभावाने संपन्न झाला.
-
संजीवन सोहळ्यासाठी महाराष्ट्राच्या कानाकोपऱ्यातून वारकरी आळंदीत दाखल झाले होते.
-
संजीवन सोहळ्यानिमित्त भाविकांनी माऊलींच्या समाधीचे दर्शन घेतले.
-
इंद्रायणी घाट वैष्णवांच्या मेळ्याने फुलून गेला होता.
-
सव्वा बाराच्या सुमारास माऊलींच्या संजीवन समाधीवर पुष्पवृष्टी करण्यात आली.
-
ज्ञानोबा माऊलींच्या जयघोषात अवघी आळंदी दुमदुमून निघाली होती.
-
निर्बंधमुक्त सोहळा पार पडत असल्याने आळंदीत लाखो भाविक आल्याचे मंदिर प्रशासनाकडून सांगण्यात आले आहे.
-
संजीवन सोहळ्यानिमित्त आळंदीची बाजारपेठ विविध साहित्यांनी सजली होती.
-
माऊलींचा ७२६ वा संजीवन समाधी सोहळा हा वारकाऱ्यांमध्ये नवचेतना आणणारा असतो.
-
शेतकऱ्यांना सुगीचे दिवस येऊ दे, शेतकऱ्यांची भरभराट होऊ दे असे साकडे माऊली चरणी आळंदीत दाखल झालेल्या वारकऱ्यांनी घातले आहे.
-
अवघ्या देशाचा पोशिंदा असलेला शेतकरी हाच खरा वारकरी असून त्याची शेती सुजलाम सुफलाम होवो अशी अपेक्षा देखील वारकऱ्यांनी व्यक्त केली आहे.
-
गेल्या पाच दिवसांपासून वारकरी आळंदीत दाखल होत आहेत. ज्ञानोबा माऊली, तुकोबांच्या गजरात अनेक दिंड्या आळंदीत दाखल झाल्या होत्या.
Raosaheb Danve : कार्यकर्त्याला लाथ मारल्याच्या व्हिडीओवर रावसाहेब दानवेंची प्रतिक्रया; म्हणाले, “माझ्यातला कार्यकर्ता जागा होतो, तेव्हा…”
