-
दिल्ली मद्य घोटाळा प्रकरणी अटक करण्यात आलेले दिल्लीचे मुख्यमंत्री अरविंद केजरीवाल यांना गुरुवारी रात्री ईडीने अटक केली. त्यांना आता ६ दिवसांची पोलीस कोठडी सुनावण्यात आली आहे.
-
गुरुवारी अटक केल्यानंतर शुक्रवारी त्यांना कोर्टात हजर करण्यात आलं. ईडीने त्यांच्या १० दिवसांची कोठडी मागितली होती. परंतु, न्यायालयाने ६ दिवसांची म्हणजेच २८ मार्चपर्यंत कोठडी सुनावली आहे.
-
त्यांना आवश्यक वैद्यकीय उपचार आणि विशेष आहार घेण्याची परवानगी देण्यात आली आहे.
-
केजरीवाल यांच्या वतीने हायपरग्लायसेमिया आणि विशिष्ट औषधोपचार आणि आहाराच्या गरजा आवश्यक असलेल्या इतर आजारांसह त्यांच्या वैद्यकीय परिस्थितींचा उल्लेख करून अर्ज दाखल करण्यात आला.
-
दिल्ली राऊस एव्हन्यु कोर्टाने त्यांची याचिका स्वीकारली असून त्यांना त्यांची निर्धारित औषधे आणि उपचार मिळतील याची खात्री करण्याचे निर्देश देण्यात आले आहेत.
-
तसंच, त्यांना डॉक्टरांनी शिफारस केलेला आहार घेण्याचीही परवानगी देण्यात आली आहे. ईडी संबंधित आहाराची व्यवस्था करू शकत नसेल तर घरी शिजवलेल्या अन्नही त्यांच्यापर्यंत पोहोचू शकेल.
-
न्यायालयाने केजरीवाल यांना त्यांच्या पत्नी सुनिता केजरीवाल आणि बिभव कुमार यांच्यासह कुटुंबातील सदस्यांना दिलेल्या वेळेत दररोज अर्धा तास भेटण्याची परवानगीही दिली आहे. टाईम्स नाऊने यासंदर्भातील वृत्त दिलं आहे.
-
दरम्यान, या अटकेविरोधात आप पक्ष सर्वोच्च न्यायलायतही गेला होता.
-
परंतु,काही वेळाने त्यांनीच सर्वोच्च न्यायलायतील याचिका मागे घेतली. त्यामुळे ईडीच्या चौकशीतून आता काय समोर येतंय हे पाहावं लागणार आहे. (सर्व फोटो – संग्रहित)
Maharashtra Assembly Election Voting Time : राज्यात किती वाजेपर्यंत करता येणार मतदान? वेळ निघून जाण्याआधी लगेच मतदान केंद्रावर जा!
