-
NEET UG च्या निकालाबाबत सोशल मीडियावर बरीच चर्चा होत आहे. हे प्रकरण सर्वोच्च न्यायालयात पोहोचले आहे. निकाल जाहीर झाल्यानंतर देशातील अनेक कोचिंग इन्स्टिट्यूटचे प्रमुख आणि विद्यार्थी रस्त्यावर आले आहेत.
-
दरम्यान, या संपूर्ण प्रकरणाबाबत सर्वोच्च न्यायालयात पोहोचलेले अलख पांडे चर्चेत आले आहेत. अलख पांडे हे अनेक NEET UG 2024 च्या परीक्षेत १५६३ विद्यार्थ्यांना ग्रेस मार्क देण्याविरुद्ध सर्वोच्च न्यायालयात धाव घेणाऱ्यांपैकी एक आहेत.
-
अलख पांडे ‘फिजिक्स वाला’चे संस्थापक आणि सीईओ आहेत. २०२० मध्ये अलख पांडे यांनी कमी बजेटमध्ये सर्व विद्यार्थ्यांना दर्जेदार शिक्षण देण्यासाठी ‘फिजिक्स वाला’ची सुरुवात केली. हजारो विद्यार्थी इथे आयआयटी आणि नीटची तयारी करतात.
-
अलख पांडे भौतिकशास्त्र शिकवतात आणि त्यांची शिकवण्याची पद्धत विद्यार्थ्यांना खूप आवडते. NEET परीक्षेत पहिला क्रमांक मिळवलेले अनेक विद्यार्थीही त्यांच्या कोचिंग सेंटरचे आहेत.
-
अलख पांडे हे उत्तर प्रदेशातील प्रयागराज येथील रहिवासी आहेत. त्यांचे बालपण आर्थिक संकटात गेले. त्यांना लहानपणापासूनच अभिनेता व्हायचं होतं, पण आर्थिक गरजांमुळे त्यांनी आठव्या इयत्तेपासूनच शिकवणीला सुरुवात केली.
-
आर्थिक अडचणींमुळे अलख पांडेंना अभियांत्रिकीचे शिक्षण पूर्ण करता आले नाही. अलीकडेच अलख पांडेंवर एक चित्रपटही बनवण्यात आला आहे, ज्यामध्ये त्याच्या संघर्षाची कहाणी दाखवण्यात आली आहे. २०१६ मध्ये त्यांनी यूट्यूब चॅनल सुरू केले.
-
अलख पांडे यांनी फिजिक्स वाला नावाचे यूट्यूब चॅनल सुरू केले. त्यांच्या चॅनेलचे लेक्चर व्हिडिओ विद्यार्थ्यांना खूप आवडले, ज्यामुळे त्यांच्या व्हिडिओंना लाखो व्ह्यूज मिळाले.
-
त्यानंतर अलख यांनी एक मोबाइल ॲप तयार केले, ज्यामध्ये विद्यार्थी खूप कमी फी भरून ऑनलाइन कोचिंग क्लासेस घेऊ शकतात. अल्पावधीतच त्यांनी एक कंपनी उघडली आणि आज ते भारतात अनेक कोचिंग सेंटर चालवतात. त्यांची नेटवर्थ २००० कोटी रुपये आहे.
-
याशिवाय अलख पांडे अनेक मुलांना मोफत शिकवतात आणि गरजू मुलांना शिष्यवृत्तीही देतात. करिअरच्या सुरुवातीला अनेक अडचणींचा सामना करत, आर्थिक समस्यांशी लढा देत आज ते इथवर पोहोचले आहेत.
(फोटो स्त्रोत: @PhysicswallahAP/Twitter)
Ajit Pawar : छगन भुजबळांच्या नाराजीवर अजित पवारांचं मोठं भाष्य; म्हणाले, “थोडसं थांबायला सांगितलं तर काहींनी…”
