अमेरिकेमध्ये राहणारे डॉ. किरण पटेल आणि त्यांची पत्नी डॉ. पल्लवी पटेल यांचं घरं सध्या अनेकांच्या आकर्षणाचं केंद्रबिंदू ठरत आहे. विशेष म्हणजे ते भारतीय वंशाचे असून त्यांच्या राहणीमानाची आणि त्यांचा एकंदरीत थाट पाहून अमेरिकेच्या नागरिकांनाही भुरळ पडली आहे. 
डॉ. किरण पटेल आणि त्यांची पत्नी डॉ. पल्लवी पटेल हे जोडपं कोणी साधंसुधं नसून त्यांचा थाट पाहून अमेरिकेतील नागरिकांनाही हेवा वाटतो. पटेल दाम्पत्य अमेरिकेतील फ्लोरिडा शहरात राहत असून त्यांचं घर कोणत्याही राजमहालापेक्षा कमी नाही. 
फ्लोरिडा शहरातील कॅरोलवूड परिसरातील व्हाईट ट्राऊट तलावाजवळ तब्बल १७ एकर जागेत त्यांचा मोठा बंगला आहे. 
हा बंगला तयार करण्यासाठी ३ वर्षाचा कालावधी लागला असून हा बंगला बांधत असताना मुघल आणि पर्शियन स्थापत्यशास्त्राचा एकत्रित नमुना असलेली जगप्रसिद्ध ताजमहाल ही वास्तू डोळ्यासमोर होती. 
या घराच्या मुख्य इमारतीमध्ये ८४०० फुटाच्या दोन विशाल विंग तयार करण्यात आले आहेत. 
पटेल यांना दोन एक मुलगा, दोन मुली असून घरातील एका विंगमध्ये पटेल दाम्पत्य राहतात. तर दुसऱ्या विंगमध्ये त्यांचा मुलगा आणि त्याचं कुटुंब राहतं. 
या घरात आलिशान दिवाणखाना असून त्यात प्रवेश करायला प्रशस्त रस्ता आहे. तसंच मुख्य दरवाज्याजवळ ८ हजार चौरस फुटांचं अंगण आहे. 
या घरामध्ये मंदिर, मिनी थेटर, तीन गेस्ट हाऊस आणि १२ गाड्या उभ्या करता येतील इतकं मोठा पार्किंग एरिया आहे. तसंच स्टाफ हाऊस आणि कॉमन मेटेनेंस बिल्डिंगदेखील आहे. 
हा बंगला बांधण्यासाठी भारतातून खास वाळू मागविण्यात आली होती. तर बाकीची सामग्री ही स्थानिक वापरली आहे. या घरापासून शाळा, विमानतळ, ऑफिस, हॉस्पिटल सारं काही जवळ आहे.
हेल्दी समजून खूप आवडीने ज्यूस पिता? फॅक्टरीमधला “हा” VIDEO पाहून पायाखालची जमीन सरकेल
