बंदूक चालवण्यापासून ते झाडून काढण्यापर्यंत सारं काही.. ‘या’ देशाची राणीच घेतेय लष्करी प्रशिक्षण

1/

बेल्जियमची राणी एलिझाबेथ या सध्या लष्करी प्रशिक्षण घेत आहेत. (सर्व फोटो instagram/duchessofbrabant आणि instagram/belgianroyalpalace वरुन साभार)

2/

१८ वर्षीय एलिजाबेथ यांनी नुकताच एलिसनबोर्न बेल्जियन लष्करी तळावरील जोकि बॉटगेनबॅच येथे लष्करी सराव सुरु केला. सध्या या लष्करी तळावरील एलिझाबेथ यांच्या प्रशिक्षणाचे फोटो सोशल मिडियावर चर्चेचा विषय ठरत आहेत.

3/

न्यू यॉर्क पोस्टने दिलेल्या वृत्तानुसार एलिझाबेथ यांचे वडील किंग फिलिपी यांनीही १९७८ ते १९८१ च्या तीन वर्षांच्या कालावधीमध्ये लष्करी प्रशिक्षण घेतलं होतं.

4/

याच वर्षी मे महिन्यामध्ये बेल्जियन रॉयल पॅलेसने जारी केलेल्या पत्रकामध्ये राणी एलिझाबेथही लष्करी प्रशिक्षणासाठी जाणार असल्याचे सांगण्यात आलं होतं.

5/

एलिसनबोर्न बेल्जियन लष्करी तळावर एलिझाबेथ या १५ सप्टेंबर रोजी दाखल झाल्या आहेत.

6/

राणी एलिझाबेथ ज्या लष्करी प्रशिक्षणासाठी आल्या आहेत तिथे एका तुकडीत केवळ १५० जणांना प्रवेश दिला जातो.

7/

लष्करी प्रशिक्षणामध्ये सहभागी झालेल्यांना सुरुवातील समान प्रशिक्षण देऊन नंतर त्यांना लष्कर, हवाई दल, नौदल आणि लष्करी सेवेतील आरोग्य विभागासंदर्भातील विशेष प्रशिक्षण दिलं जातं.

8/

आतापर्यंत बेल्जियमच्या राज घराण्यातील अनेक व्यक्तींनी लष्करी प्रशिक्षण घेतलं असलं तरी एलिझाबेथ या अशाप्रकारे प्रशिक्षण घेणाऱ्या पहिल्या महिला आहेत.

9/

सोशल मिडियावर सध्या एलिझाबेथ यांचे फोटो आणि व्हिडिओ व्हायरल झाले आहेत.

10/

काही फोटोंमध्ये एलिझाबेथ या बंदूक चालवण्याचे प्रशिक्षण घेताना दिसत आहे तर काही ठिकाणी त्या धावताना दिसत आहेत.

11/

बेल्जियममध्ये लष्करी प्रशिक्षणाला विशेष महत्व दिले जाते. येथील तरुणांमध्ये लष्कराबद्दल प्रचंड प्रेम आणि क्रेझ आहे. त्यामुळेच अगदी राजेशाही कुटुंबापासून सर्व सामान्यांपर्यंत सर्वच जण लष्काराला प्रचंड आदर देतात. त्यामुळेच एलिझाबेथ यांनी अगदी इतर विद्यार्थ्यांप्रमाणे हे प्रशिक्षण पूर्ण करण्याचा निर्णय घेतला आहे.