-
पूर्व आफ्रिकेमधील बोत्सवाना देशात मागील तीन महिन्यात ३६० हत्तींचा मृत्यू झाला आहे. पाण्यातील साइनोबॅक्टेरीयामुळे हा हत्तीचा मृत्यू झाल्याचे सांगण्यात येत आहे. वन खात्याच्या सरकारी अधिकाऱ्यांनी एवढ्या मोठ्या प्रमाणात हत्तीचा मृत्यू झाल्यासंदर्भात दिलेल्या या वरवरच्या महितीबद्दल पर्यावरण प्रेमींनी नाराजी व्यक्त केली आहे. (फोटो: द गार्डियनवरुन साभार)
-
साइनोबॅक्टेरीया पाण्यामध्ये विषारी द्रव्य सोडतात. हे विषारी पाणी प्यायल्यानेच हत्तीचा मृत्यू होत असल्याचा दावा केला जात आहे. पहिल्यांदा अशाप्रकारे एकाच वेळी शेकडो हत्तींचा मृत्यू झाल्याची बातमी या वर्षी मे महिन्यात आणि त्यानंतर जुलैमध्ये समोर आली होती. (Photo via AP)
-
अशाप्रकारे मरण पावणाऱ्या हत्तींची संख्या दिवसोंदिवस वाढतच असून याबद्दलचे गूढही कायम आहे. मरण पावलेल्या अनेक हत्तींचे मृतदेह हे तळ्याकाठी किंवा पाणवठ्याजवळ सापडले आहेत. (Photo via AP)
-
बोत्सवाना सरकाने हत्तींचे सांगाडे प्रयोगशाळेमध्ये पाठवले आहेत. सांगाड्यांचा अभ्यास करुन या हत्तीचा मृत्यू नक्की कशामुळे झाला याचा तपास करण्याचे काम सुरु आहे. ज्या परिसरामध्ये हत्तींचे मृतदेह सापडले आहेत तेथील माती आणि पाण्याचे नमुनेही प्रयोगशाळेत पाठवण्यात आले आहेत. (Photo via AP)
-
सामान्यपणे साइनोबॅक्टेरीया हे जंगलातील पाणवठ्यांमधील पाण्यात आढळून येतात. मात्र हे विषाणू विषारी पदार्थ पाण्यात सोडत नाहीत. (Photo via AP)
-
पर्यावरणामधील बदलांमुळे आणि तापामानामध्ये होणाऱ्या बदलांमुळे साइनोबॅक्टेरीया पाण्यात विषारी पदार्श सोडत असावेत असा अंदाज व्यक्त केला जात आहे. यासंदर्भातील अहवाल अद्याप समोर आलेला नाही. (Photo via CNN)
-
हे बेकायदेशीर शिकारीचे प्रकरण असते तर इतरही प्राणी मृत आढळले असते. मात्र असं सध्या तरी दिसत नाहीय. जर पाण्यात विष टाकण्यात आलं असतं तर इतर प्राणीही मेले असते. त्यामुळे हा एखादा रोग असण्याची शक्यताही व्यक्त केली जात आहे. (Photo via CNN)
-
मेलेले अनेक हत्तींच्या तोंडाजवळचे केस गळून पडल्याचे निरदर्शनास आलं आहे. हे विषप्रयोगाचे लक्षण आहे. मात्र यासंदर्भातील अहवाल अद्याप समोर आलेला नाही. त्यामुळे हा अहवाल समोर आल्यानंतरच ठोस कारण काय आहे हे सांगता येईल असं म्हटलं जात आहे. (Photo via CNN)
-
आफ्रिका खंडामध्ये सर्वाधिक हत्ती असणाऱ्या देशांच्या यादीमध्ये बोत्सवानाचा समावेश होतो. येथील जंगलांमध्ये एक लाख ३० हजारहून अधिक हत्ती राहतात. आजूबाजूच्या कोणत्याही देशांपेक्षा येथे अधिक हत्ती आढळून येतात. (प्रातिनिधिक फोटो)
-
आफ्रीकेमधील एक तृतीयांश हत्तींची संख्या ही बोत्सवानामध्ये आहे. त्यामुळेच आता या मृत्यूंच्या पार्श्वभूमीवर सरकारने तपास सुरु केला आहे. (Photo via AP)
“बायकोने सांगितलंय…”, पठ्ठ्याने बाइकच्या मागे लिहिलं ‘असं’ काही की, वाचून पोट धरून हसाल
