-
अमेरिकेमध्ये करोनाचा संसर्ग झाल्याने दोन लाखांहून अधिक जणांचा मृत्यू झाला आहे. करोनामुळे मरण पावलेल्यांना श्रद्धांजली अर्पण करण्यासाठी सामाजिक कार्यकर्त्यांनी वॉशिग्टनमधील नॅशनल मॉलच्या मैदानामध्ये अमेरिकेचे छोट्या आकाराचे राष्ट्रध्वज लावले आहेत. (सर्व फोटो : असोसिएट प्रेसच्या सौजन्याने)
-
अमेरिकेमध्ये एखाद्या कुटुंबामधील व्यक्तीचा करोनामुळे मृत्यू झाल्यानंतर त्या कुटुंबातील एखादा सदस्य येथे येऊन मरण पावलेल्या व्यक्तीच्या आठवणीत एक झेंडा लावतो. करोनामुळे मरण पावलेल्यांना श्रद्धांजली देण्यासाठी शेकडोच्या संख्येने रोज येथे लोकं येतात.
-
अमेरिकन संसदेच्या स्पीकर नॅसी पेलोसी यांनीही या करोना मेमोरियल पार्कला भेट दिली आणि करोनामुळे मरण पावलेल्यांना श्रद्धांजली अर्पण केली. या पार्कमध्ये मरण पावलेल्या दोन लाख करोनाबाधितांच्या आठवणीत झेंडे लावण्यात आलेत.
-
अमेरिकेत मागील सात महिन्यामध्ये लाखो लोकांना करोनाची बाधा झाली आहे. अमेरिकेतील करोनाबाधितांची आकडेवारी ७१ लाखांच्या पुढे गेली आहे. यामध्ये दोन लाख ५ हजारांहून अधिक जणांचा मृत्यू झाला आहे. (२४ सप्टेंबर २०२० पर्यंतच्या आकडेवारीनुसार)
-
अमेरिकेतील करोनाच्या संसर्ग रोखण्यास आणि त्यावरील उपाययोजना योग्य पद्धतीने करण्यात ट्रम्प प्रशासनाला अपयश आल्याचा आरोप केला जात आहे. अनेकांनी करोना परिस्थितीसंदर्भात सरकारच्या कामगिरीवर उघडपणे नाराजी व्यक्त केली आहे.
Maharashtra Assembly Election Final Result : महाराष्ट्रात कोणाला किती जागा मिळाल्या? पाहा सर्व १४ पक्षांची अंतिम आकडेवारी
