-
एखाद्या व्यक्तीचा जीव वाचवला म्हणून शौर्य पुरस्कार मिळणं खूप मोठी गोष्ट आहे. लंडनमध्ये नुकताच हा पुरस्कार देण्यात आला. पण हा पुरस्कार कोणा एखादी व्यक्ती नाही तर चक्क एका उंदराला देण्यात आला. आश्चर्य वाटलं ना….चला तर मग जाणून घेऊयात वजन फक्त १.२ किलो असणाऱ्या या उंदराची जबरदस्त कामगिरी…. (Photo: PDSA)
मगावा असं या उंदराचं नाव आहे. सात वर्षांचा मगावा मूळचा आफ्रिकन प्रजातीचा आहे. (Photo: PDSA) -
मगावाचा ब्रिटनमधील PDSA संस्थेकडून सुवर्ण पदक देऊन सन्मान करण्यात आला. हा पुरस्कार जनावरांना त्यांच्या शौर्यासाठी दिला जातो. (Photo: PDSA)
-
हा पुरस्कार मिळवणारा मगावा पहिला उंदीर ठरला आहे. पण त्याला हा पुरस्कार का देण्यात आला हे जाणून घेऊयात…(Photo: Reuters)
-
मगावाला कंबोडियातील अनेक लोकांचा जीव वाचवल्याबद्दल हा पुरस्कार देण्यात आला आहे. (PDSA UK/Handout via Reuters)
-
मगावाने आतापर्यंत ३९ हून अधिक भुसुरुंग आणि २८ हून अधिक विस्फोटक सामग्रीचा शोध लावला आहे. (Photo: PDSA)
-
मगावा भुसुरुंगाची माहिती मिळताच जमीन खोदण्यास सुरुवात करतो. (Photo: PDSA)
-
यावेळी त्याच्यासोबत काळजी घेणारे कर्मचारी उपस्थित असतात. त्यांच्या देखरेखीखाली मगावाचं जमीन खोदण्याचं काम सुरु असतं. (Photo: PDSA)
-
बेल्जिअमच्या APOPO या स्वयंसेवी संस्थेने मगावाला प्रशिक्षण दिलं आहे. ही संस्था १९९० पासून भुरुरुंगाचा शोध घेण्यासाठी जनावरांचा उपयोग करत आहे. (Photo: PDSA)
-
APOPO ने दिलेल्या माहितीनुसार, मगावाचं वजन कमी आहे. त्यामुळे तो कोणत्याही भुसुरुंगावर उभा राहिला तरी त्याचा स्फोट होत नाही. (PDSA UK/Handout via Reuters)
-
टेनिस कोर्टच्या आकाराच्या मैदानात शोध घेण्यासाठी मगावाला फक्त २० मिनिटांचा वेळ लागतो. एवढ्या जागेत माणसांना मेटल डिटेक्टरच्या सहाय्याने शोध घेण्यास चार दिवस लागतील. (Photo: PDSA)
-
मगावाने कंबोडियामधील जवळपास २० फुटबॉल मैदानं सामावतील इतकी जमीन भुसुरुंगमुक्त केली आहे. कंबोडियात १९७०-८० च्या दशकात युद्ध झालं होतं. हे भुसुरुंग तेव्हा पेरण्यात आलेले होते. कंबोडियात अद्यापही अनेक ठिकाणी भुसुरुंग असून ते शोधण्यातं काम सुरु आहे. (Photo: PDSA)
-
स्फोटकांचा शोध घेण्यासाठी उदंरांना त्यामधील रसायनांबद्दल प्रशिक्षण दिलं जातं. या संपूर्ण प्रशिक्षणासाठी एक वर्षाचा कालावधी लागतो. (Photo: PDSA)
-
एका स्थानिक स्वयंसेवी संस्थेने दिलेल्या माहितीनुसार, भुसुरुंगामुळे १९७९ पासून आतापर्यंत ६४ हजार लोकांचा मृत्यू झाला असून २५ हजाराहून जास्त लोक अपंग झाले आहेत. (Photo: PDSA)
-
मगावामुळे भुरुसुंग प्रभावित क्षेत्रातील कित्येक लोकांचा महिला, पुरुष आणि लहान मुलांचा जीव वाचला आहे. पण आता मगावा निवृत्त होण्याच्या तयारीत आहे. (Photo: PDSA)
-
कारण अफ्रिकन प्रजातीच्या उंदिराचं आयुष्य आठ वर्षांहून अधिक नसतं. (Photo: PDSA)
“बायकोने सांगितलंय…”, पठ्ठ्याने बाइकच्या मागे लिहिलं ‘असं’ काही की, वाचून पोट धरून हसाल
