बाबा का ढाबा – ज्याने प्रसिद्धी दिली त्यानेच लाखोंची मदत चोरली; पोलीस ठाण्यात पोहोचलं प्रकरण

1/15

सोशल मीडियावर काही दिवसांपूर्वी दिल्लीमधील 'बाबा का ढाबा' चांगलाच चर्चेत आला होता.

2/15

लॉकडाउनमुळे आर्थिक कंबरडं मोडलेल्या ८० वर्षीय कांता प्रसाद आणि त्यांच्या पत्नी बदामी देवी यांना मदत करण्यासाठी लोकांनी त्याच्या ढाब्यावर गर्दी करण्यास सुरुवात केली होती.

3/15

युट्यूबवर गौरव वासन याने हा व्हिडीओ शूट केला होता, जो सोशल मीडियावर प्रचंड व्हायरल झाला आणि लोक मदतीसाठी पुढे येऊ लागले.

4/15

पण काही दिवसांनी या प्रकऱणाला एक वेगळं वळण मिळालं असून गौरववर आर्थिक मदत चोरल्याचा आऱोप होत आहे.

5/15

कांता प्रसाद यांनी पोलीस ठाण्यात तक्रारही केली आहे.

6/15

कांता प्रसाद यांनी केलेल्या आरोपानुसार, गौरवन लोकांना आपलं तसंच आपल्या कुटुंबाच्या बँक खात्याचा क्रमांक देत मिळणारी मदत वळती केली आणि ते पैसे परतही केले नाहीत. आता आपल्याला जास्त ग्राहकही मिळत नाही. आधी दिवसाला १० हजार कमवत होतो, आता ३ ते ५ हजारांचा व्यवसाय होतो. लोक जेवण्यासाठी कमी आणि फोटो काढण्यासाठी जास्त येत आहेत.

7/15

"लोक कांता प्रसाद यांच्या डोक्यात अनेक गोष्टी भरत असून त्यांनी दुर्लक्ष केलं पाहिजे. अनेक लोक आपण त्यांचे मॅनेजर असल्याचा दावा करत असून त्यांना कोणी नियुक्त केलं हे माहिती नाही. आपण कांता प्रसाद यांची बँक खाती सांभाळत असल्याचा त्यांचा दावा आहे. लोकांनी स्वत: जाऊन याची माहिती घेतली पाहिजे," असं आवाहन गौरवने केलं आहे.