-
रतन टाटा सिर्फ नाम ही काफी हैं अशी ओळख करुन देता येईल असं हे व्यक्तीमत्व.
-
रतन टाटा हे देशातील सर्वात यशस्वी उद्योजकांपैकी आणि समाजसेवेसाठी काम करणाऱ्यांपैकी एक आहेत.
-
मात्र त्याचवेळी रतन टाटांनी अनेक स्टार्टअप कंपन्यांना गरजेच्या काळात आर्थिक पाठिंबा दिलाय.
-
त्यापैकी अनेक कंपन्या आज आपआपल्या क्षेत्रात फार नाव गाजवत आहेत.
-
या गॅलरीमधून आपण पाहूयात रतन टाटांनी स्टार्टअप म्हणून मदत केलेल्या काही कंपन्यांबद्दलची माहिती.
-
पेटीएम – देशातील आघाडीची डिजीटल ट्रानझॅक्शन कंपनी म्हणून पेटीएमला आज ओळखलं जातं.
-
अर्थात मागील काही वर्षांमध्ये या कंपनीशी स्पर्धा करणाऱ्या अनेक कंपन्या बाजारपेठेत आल्या मात्र पेटीएमने या विभागामध्ये आपलं वर्चस्व कायम ठेवलं आहे.
ओला – ऑनलाइन टॅक्सी बुकींग सेवा पुरवणारी ही कंपनी आज आपल्यापैकी अनेकांच्या दैनंदिन जीवनाचा भाग झालीय. -
ही कंपनी २०१० मध्ये सुरु झाली. या कंपनीला २०१५ मध्ये रतन टाटांनी आर्थिक पाठबळ दिलं होतं. ही कंपनी सध्या उबर या कंपनीला जोरदार टक्कर देताना दिसतेय.
-
कायझुंगा > हा एक ऑनलाइन तिकिटींग प्लॅटफॉर्म आहे. यामध्येही टाटांनी गुंतवणूक केलीय.
-
आकाश भाटीया, अर्पिता मुझूमदार आणि निती भाटीया यांनी २००७ मध्ये या कंपनीची स्थापना केली.
-
लॅबर्टी > आरोग्य सेवेमध्ये काम करणाऱ्या स्टार्टअप कंपन्यांमध्ये या कंपनीचा समावेश होतो.
-
चांगल्या डॉक्टर्सपर्यंत पोहचण्यासाठी रुग्णांना या कंपनीने एक माध्यम उपलब्ध करुन दिलीय. ओला, झोमॅटो प्रमाणे या माध्यमाच्या मदतीने वैद्यकीय क्षेत्रातील सेवांचा फायदा ग्राहकांना घेता येतो. या कंपनीमध्येही टाटांनी आर्थिक गुंतवणूक केलीय.
-
फर्स्टक्राय > बेबी केअर प्रोडक्टच्या क्षेत्रात काम करणारी ही कंपनी खेळणीही बनवते. या कंपनीची ओळख म्हणजे त्यांच्याकडून देण्यात येणारी सूट.
-
फर्स्टक्राय ही कंपनी २०१० साली स्थापन झाली असून २०१६ मध्ये टाटांनी या कंपनीमध्ये गुंतवणूक केली.
-
लेन्सकार्ट >> देशातील सर्वात मोठी ऑनलाइन ऑप्टीकल सेवा देणारी ही कंपनी २०१० मध्ये स्थापन झाली आहे.
-
लेन्सकार्ट ही या क्षेत्रातील मत्तेदारी असणारी कंपनी असून इतर कोणतीही कंपनी तिच्या आसपासही नाही. टाटांनी यामध्येही गुंतवणूक केलीय.
-
झिवामी > हे एक ऑनलाइन लिंगरीज स्टोअर आहे. २०११ साली रिचा कार हिने या कंपनीची सुरुवात केली.
-
२०१५ साली सप्टेंबर महिन्यात रतन टाटा यांनी या कंपनीला आर्थिक पाठबळ दिलं आणि नंतर कंपनीने देशभरामध्ये आपला उद्योग व्यवसाय वाढवला.
-
अर्बन लॅडर > ऑनलाइन माध्यमातून फर्निचर विकणारी ही कंपनी फर्निचर उद्योगामधील सध्या ओळखीचं नाव आहे.
-
२०१५ साली रतन टाटांनी या कंपनीमध्ये पैसे टाकले. मात्र त्यांनी नक्की किती निधी या कंपनीला दिला हे मात्र गुलदस्तामध्येच आहे.
-
कारदेखो > या कंपनीबद्दल टीव्ही पाहणाऱ्याने ऐकलं नाही असं होणार नाही. जुन्या नव्या गाड्यांचे विक्रेते आणि ग्राहक यांच्यासाठीच्या लोकप्रिय प्लॅटफॉर्मपैकी हा एक आहे.
-
गाड्यांच्या सुट्या भागांपासून ते गाडी विकत घेण्याआधी त्यांची तुलना करण्यापर्यंत अनेक पर्याय या प्लॅटफॉर्मवर उपलब्ध असून या कंपनीलाही टाटांनी आर्थिक पाठबळ दिलंय.
-
अर्बन क्लॅप > सर्व कामांसाठी एकच प्लॅटफॉर्म या तत्वावर काम करणारी ही कंपनी मेट्रो शहरांमध्ये वेगवेगळ्या सेवा पुरवण्यासाठी लोकप्रिय आहे.
-
अर्बन क्लॅपमध्ये २०१५ साली टाटांनी गुंतवणूक केलेली.
-
रिपोज एनर्जी > या इंधनाची होम डिलेव्हरी करणाऱ्या स्टार्टअप कंपनीची सह संस्थापिका अदिती भोसले-वाळुंज ही मराठमोळी तरुणी आहे.
-
टाटा ग्रुप्सचे सर्वेसर्वा असणाऱ्या रतन टाटा यांनी अदितीच्या या स्टार्टअपमध्ये गुंतवणूक केली आहे. (सर्व फोटो संबंधित कंपन्यांच्या वेबसाईट, गुगल प्लेस्टोअर आणि सोशल मीडियावरुन साभार)
Raosaheb Danve : कार्यकर्त्याला लाथ मारल्याच्या व्हिडीओवर रावसाहेब दानवेंची प्रतिक्रया; म्हणाले, “माझ्यातला कार्यकर्ता जागा होतो, तेव्हा…”
