-
वयाच्या १०व्या वर्षी मुलं काय करतात असं जर तुम्हाला विचारलं तर तुमच्या डोळ्यासमोर येतील खोड्या काढणारी, मैदानात किंवा फोनवर व्हिडीओ गेम खेळणारी मुलं. परंतु सगळीच मुलं अशी नसतात.
-
काही मुलं तर अगदी लहान वयातच असं काही तरी काम करून जातात की ज्यामुळे ते इतरांसाठी एक आदर्श ठरतात.
-
अशीच एक मुलगी आहे जिचं वय अवघे १० वर्षे आहे परंतु या लहान वयातही ती २ कंपन्यांची मालकीण आहे.
-
या मुलीचं नाव आहे पिक्सी कर्टिस. पिक्सी ऑस्ट्रेलियामध्ये राहणारी आहे. तिने आपल्या आईच्या मदतीने एक कंपनी सुरु केली आहे.
-
या कंपनीचे नाव पिक्सीज् फीजेट्स (Pixie’s Fidgets) असे आहे. गेल्या वर्षी त्यांनी ही कंपनी सुरु केली असून पिक्सी या कंपनीची सीईओ आहे.
-
ही लहान मुलांची खेळणी तयार करणारी एक कंपनी आहे.
-
तिचे काम लोकांना खूप आवडले. जेव्हा त्यांनी ही कंपनी सुरु केली तेव्हा फक्त ४८ तासांमध्येच त्यांची सर्व खेळणी विकली गेली.
-
तुम्हाला हे जाणून आश्चर्य वाटेल की पिक्सी फक्त एकाच कंपनीची मालकीण नाही तर या कंपनीच्या आधीपासून ती एक बिजनेस कंपनी चालवत आहे.
-
या कंपनीचे नाव आहे पिक्सीज् बोवज् (Pixie’s Bows). ही कंपनी केसांचे सामान विकते.
-
पिक्सी जेव्हा लहान होती तेव्हा तिच्या आईने पिक्सीच्या नावाने या कंपनीची सुरुवात केली होती.
-
पिक्सीच्या गेल्या महिन्यातील कमाईबद्दल बोलायचे झाले तर ती १ कोटी ४ लाखांपेक्षा जास्त होती.
-
पिक्सीच्या खेळण्यांची इतकी मागणी आहे की ही खेळणी बाजारात येताच काही कालावधीतच त्यांची विक्री होते.
-
पिक्सी वयाच्या १५व्या वर्षी निवृत्ती घेणार आहे. इतक्या लहान वयात निवृत्ती स्वीकारणारी पिक्सी ही पहिलीच मुलगी असेल.
-
पिक्सीचे इंस्टाग्रामवर १ लाखापेक्षा जास्त फॉलोवर्स आहेत.
-
पिक्सी आपल्या भावासोबत मर्सिडीज कारने शाळेत जाते. या कारची किंमत १.४० कोटी इतकी असून त्यांच्या आलिशान घराची किंमत ४९.७२ कोटी रुपये इतकी आहे.
-
ज्या वयात मुलं खेळतात बागडतात अशा वयात पिक्सी २ कंपन्या सांभाळत आहे. त्यातून ती भरपूर पैसे कमावते आहे आणि इतरांनाही प्रेरणा देत आहे. (Photo : @pixiecurtisofficial / Facebook)
अमेरिकेत शिकतेय प्रसिद्ध अभिनेत्याची एकुलती एक लेक; म्हणाला, “मी २० तास प्रवास करून गेलो अन् ती…”
