-
चित्र पाहून तुमच्या व्यक्तिमत्त्वाबद्दल सर्व काही कळेल यावर तुमचा विश्वास बसेल का? ऑप्टिकल इल्युजन Optical Illusion चे अनेक चित्रं आपण पाहतो. या चित्रात कधी कोणाला काय दिसते तर कोणाला काय. यूएस प्रकाशक Your Tango मध्ये दाखवण्यात आलेल्या या चित्रात नऊ प्राणी लपलेले आहेत. घोडा, कोंबडा, खेकडा, हिरवा तोळ/नाकतोडा, लांडगा, ससाणा, कुत्रा, फुलपाखरू आणि कबूतर. तुम्ही जे पाहता त्यावरुन तुमच्या व्यक्तिमत्त्वाची व्याख्या करता येऊ शकते.
-
जर तुम्ही प्रथम घोडा पाहिला असेल तर याचा अर्थ तुम्ही एक दृढनिश्चयी व्यक्ती आहात. तुम्हाला ज्या गोष्टी, छंद, कलेची आवड आहे त्या गोष्टींमध्ये स्वतःला वाहून घ्याल. तुम्ही स्वतंत्र आहात आणि अविचाराने अनेक निर्णय घेता, परंतु अनेक कठीण परिस्थिती योग्यरित्या हाताळण्याची कसब तुमच्यात असते.
-
जर तुम्ही पहिल्यांदा कोंबडा पाहिला असेल, तर याचा अर्थ तुम्ही आत्मविश्वास आहात. शक्य असेल तेव्हा तुमची कौशल्ये सगळ्यांना दाखवायला तुम्हाला आवडते, पण तुम्हाला विनाकारण दिखावा करण्याची सवय नाही. तुम्हाला वेळोवेळी लोकांच्या मदतीला धावून जायला आवडते. तसेच तुमच्या प्रियजनांचे रक्षण करणे त्यांची काळजी करणे ही तुमची जबाबदारी असल्याचे तुम्ही समजता.
-
जर तुम्ही प्रथम कबूतर पाहिले तर याचा अर्थ असा आहे की तुम्ही सभ्य, आशावादी आणि सद्गृहस्थ आहात. तुमच्या सहवासात लोकांना शांतीचा अनुभव येतो या कारणामुळे, लोकांना तुमचा सहवास आवडतो आणि तुम्ही त्यांच्या आसपास असावे अशी त्यांची इच्छा असते.
-
जर तुम्ही पहिल्यांदा कुत्रा पाहिला असेल तर याचा अर्थ तुम्ही खूप निष्ठावान व्यक्ती आहात. मैत्री निभावण्यात तुमचा कोणी हात धरू शकत नाही. तुम्हाला लोकांना आनंदी ठेवणे आणि तुमच्या प्रियजनांची काळजी घेणे देखील आवडते. तुम्ही दयाळू आणि जिवलगांचे सरंक्षण करण्यास नेहमी तत्पर असता.
-
जर तुम्ही पहिल्यांदा ससाणा पाहिला असेल तर याचा अर्थ असा की तुमचा जन्म नेता होण्यासाठी झाला आहे. तुम्हाला प्रवास करायला आवडते. तुम्ही प्रचंड सकारात्मक असून तुमच्यातील सकारात्मक ऊर्जेने इतरांना प्रेरणा मिळते. तुम्ही शक्तिशाली आणि संतुलित व्यक्ती असण्यासाठी देखील ओळखले जातात.
-
जर तुम्ही लांडगा पाहिला असेल, तर याचा अर्थ तुमच्यात जन्मतः नेतृत्वाचे गुण असून तुम्ही लढवय्ये आहात आणि तुम्ही हुशार, शूर आणि निर्भय आहात. तुम्हाला स्वतःहून स्वतःसाठी मार्ग तयार करून त्यावरून पुढे जायला आवडते. तुम्ही स्वतःच्या सहवासातही खूप आनंदी राहता, पण त्याचबरोबर इतरांच्या सहवासातही तुम्ही सहजपणे मिसळून जाता.
-
जर तुम्हाला हिरवा तोळ/नाकतोडा दिसला. तर याचा अर्थ असा आहे की जेव्हा तुमच्या आयुष्यात एकांत आणि शांती असते, तेव्हा तुम्ही स्वत:ला आनंदी समजता. परंतु अतिशय गोंगाट किंवा गोंधळाच्या ठिकाणी देखील तुम्ही स्वतःला अत्यानंदित राहतात. तुम्ही हुशार आहात.
-
जर तुम्ही फुलपाखरू पहिल्यांदा पाहिले असेल तर याचा अर्थ तुमच्यावर कायम निसर्गाची कृपा असते शिवाय नैसर्गिक सौंदर्याचे तुम्ही धनी आहात. तुमच्याकडे कठीण परिस्थितीतून बाहेर पडण्याची क्षमता असते, प्रत्येक वेळी तुम्ही पूर्वीपेक्षा अधिक ताकतीने संकटावर मात करून पुढे जाता. इतर लोक देखील तुमची भूतकाळापासून शिकण्याची कला आणि प्रगती पाहून प्रेरित होतात.
-
जर तुम्ही खेकडा प्रथम पाहिला असेल तर याचा अर्थ तुम्ही बाहेरून जरी कठोर असला, तरी आतून प्रेमळ आणि संवेदनशील असता. हे देखील एक संकेत आहे की, खेकडा ज्या प्रकारे चालतो, त्याचप्रमाणे तुमचे ध्येय गाठण्यापूर्वी तुम्हाला अनेकवेळा वेगवेगळ्या दिशेने वाटचाल करावी लागते.
कचऱ्याच्या ढिगाऱ्यावर पक्षांच्या घिरट्या, मुलांचं लक्ष जाताच पायाखालची जमिनच सरकली; माणुसकीला काळिमा फासणारी घटना उजेडात
