-
क्युबाची राजधानी हवाना येथील एका हॉटेलमध्ये शुक्रवारी रात्री भीषण स्फोट झाला आहे.
-
सेराटोगा असं स्फोट झालेल्या हॉटेलचं नाव आहे. ही घटना घडल्यानंतर हॉटेलमधून प्रचंड धुराचे लोट बाहेर निघत होते.
-
बचाव दलाचं पथक घटनास्थळी असून बचाव कार्य सुरू करण्यात आलं आहे. सुरक्षा दलांनी हॉटेलला वेढा घातला आहे.
-
या स्फोटात आतापर्यंत २२ जणांचा मृत्यू झाला असून ३० जण जखमी झाल्याची प्राथमिक माहिती समोर आली आहे.
-
हॉटेलमध्ये गॅस गळती झाल्याने हा स्फोट झाला असावा, अशी प्राथमिक माहिती देण्यात आली आहे.
-
राष्ट्राध्यक्ष मिगुल डियाझ आणि त्यांचे काही मंत्री घटनास्थळी दाखल झाले आहेत. राष्ट्राध्यक्षांनी घटनेचा सविस्तर आढावा घेतला असून बचाव कार्याला वेग देण्यात आला आहे.
-
स्फोटानंतर ढिगाऱ्याखाली आतापर्यंत २२ मृतदेह आढळून आल्याची प्राथमिक माहिती समोर आली आहेत. मृतांचा आकडा आणखी वाढण्याची शक्यता आहे.
-
आतापर्यंत समोर आलेल्या सर्व पुरावांच्या आधारे हा अपघात असल्याचं स्पष्ट होत आहे. हा स्फोट एवढा भीषण होता की रस्त्याच्या पलीकडे उभ्या असलेल्या वाहनांच्या कांचाना देखील तडा गेला आहे.
-
द्रवरूप गॅस टँकरमधून गॅस सिलिंडरमध्ये भरत असताना हा स्फोट झाल्याचं वृत्त न्यूयॉर्क पोस्टने दिलं आहे. (सर्व फोटो सौजन्य- एपीवरून साभार)
घराच्या विक्रीवर झालेला भांडवली नफा आणि कर आकारणी
