Photos: पंतप्रधान नरेंद्र मोदींच्या हस्ते तुकोबांच्या शिळामंदिराचे होणार लोकार्पण; देहूत जय्यत तयारी सुरू!

1/12

श्रीक्षेत्र देहूत जगद्गुरू संत तुकाराम महाराज यांच्या शिळामंदिराचे लोकार्पण करण्यासाठी पंतप्रधान नरेंद्र मोदी येत्या १४ जूनला देहूत येणार आहेत.

2/12

त्या निमित्ताने मंदिरात आणि देहू परिसरात जय्यत तयारी सुरू आहे.

3/12

२० जूनला तुकोबांच्या पालखीचे पंढरपूरकडे प्रस्थान होणार असून त्यापूर्वी पंतप्रधान देहूत येणार असल्याने वारकरी संप्रदायात उत्साहाचे वातावरण निर्माण झाले आहे.

4/12

देहूमध्ये जय्यत तयारी सुरु

5/12

देहूतील मुख्य मंदिरामध्ये दगडात कोरीव काम करून साकारण्यात आलेल्या या शिळामंदिराची पायाभरणी प्रतिभाताई पाटील राष्ट्रपती असताना झाली होती.

6/12

त्याचे लोकार्पण पंतप्रधानांच्या हस्ते व्हावे, असा संस्थानचा आग्रह होता.

7/12

त्यादृष्टीने २९ मार्च २०२२ रोजी पंतप्रधानांना निमंत्रण देण्यासाठी संस्थानचे विश्वस्त मंडळ दिल्लीत गेले होते.

8/12

त्यानुसार या कार्यक्रमासाठी १४ जूनची तारीख निश्चित करण्यात आली आहे.

9/12

कार्यक्रमाचा दिवस जवळ आल्याने देहूत देवस्थानकडून त्याची मोठ्या जोमाने तयारी सुरू आहे.

10/12

मुख्य मंदिरातील काही कामे पूर्ण करण्यात येत असून, त्याची सजावटही करण्यात येत आहे.

11/12

त्याचप्रमाणे कार्यक्रमाच्या ठिकाणी मोठा सभामंडपही उभारण्यात आला आहे.

12/12

पोलिसांसह जिल्हा प्रशासनही या कार्यक्रमासाठी सज्ज झाले आहे.