-
लोकप्रिय बॉलिवूड अभिनेत्री सुष्मिता सेन आणि ललित मोदी एकमेकांना डेट करत असल्याच्या चर्चा सध्या समाजमाध्यमांमध्ये रंगल्या आहेत.
-
ललित मोदी यांनी सुष्मिता सेनसोबतचे फोटो सोशल मीडियावर पोस्ट केल्यानंतर या चर्चांना उधाण आले.
-
मोदी यांनी स्वत: आम्ही रिलेशनशिपमध्ये असून लवकरच विवाहबंधनात अडकणार असल्याची माहिती त्यांच्या सोशल मीडिया अकाऊंटवरून दिली आहे.
-
सुष्मिता सेनसोबतचे रोमॅंटिक फोटो पोस्ट केल्यानंतर चर्चेत आलेल्या ललित मोदींबद्दल जाणून घेऊया.
-
ललित मोदी यांचा जन्म २९ नोव्हेंबर १९६३ रोजी दिल्ली येथे झाला. ते ५८ वर्षांचे आहेत.
-
२००८ साली सुरू करण्यात आलेल्या आयपीएल (इंडियन प्रीमियर लीग)चे ते संस्थापक आणि पहिले अध्यक्ष होते.
-
व्यावसायिक असेलेले ललित मोदी पेशाने इंजिनिअर आहेत. अमेरिकेतून त्यांनी इंजिनिअरींगचे शिक्षण घेतले आहे.
-
अमेरिकेतील क्रीडा व्यवसायाने प्रेरित होऊन त्यांनी १९९५ साली पहिल्यांदा ‘इंडियन क्रिकेट लीग लिमिटेड’चा प्रस्ताव बीसीसीआयकडे ठेवला होता.
-
परंतु, बीसीसीआयने त्यांच्या या कल्पनेला फारसं महत्त्व न देता त्याकडे दुर्लक्ष केलं.
-
क्रिकेटवर विशेष प्रेम असलेल्या ललित मोंदींचे राजकारणाशीही संबंध आहेत.
-
भारतीय जनता पार्टी आणि कॉंग्रेसमधील अनेक नेत्यांशी त्यांची जवळीक आहे.
-
२०१० मध्ये झालेल्या आयपीएलच्या अंतिम सामन्यात गैरवर्तन आणि आर्थिक व्यवहार केल्याप्रकरणी बीसीसीआयकडून त्यांच्यावर २०१३ साली कायमची बंदी घालण्यात आली.
-
तेव्हापासून ललित मोदी हे लंडनमध्ये वास्तव्यास आहेत. ते एक फरार आरोपी आहेत.
-
आयपीएलमध्ये आर्थिक गैरव्यवहार केल्याप्रकरणी मुंबई विशेष न्यायालयाने त्यांच्याविरुद्ध २०१५ साली अजामीनपत्र अटक वॉरंट जारी केले होते.
-
याशिवाय मॉडेल गुरप्रीत गील आर्थिक फसवणूकप्रकरणातही ललित मोदी दोषी आढळले आहेत.
-
याप्रकरणी मार्च २०२२ मध्ये युके न्यायालयाने मोदी यांना आठ लाख डॉलरची नुकसान भरपाई देण्याचे आदेश दिले आहे.
-
ललित मोदी यांनी १९९१ साली मिनल मोदी यांच्यासोबत लग्नगाठ बांधली होती.
-
परंतु, २०१८ साली त्यांच्या पुर्वाश्रमीच्या पत्नीचा मृत्यू झाला.
-
आता सुष्मिता सेनसोबत रिलेशनशिपमध्ये असल्यामुळे ललित मोदी पुन्हा चर्चेत आले आहेत.
-
(सर्व फोटो : ललित मोदी/ इन्स्टाग्राम)
Maharashtra Assembly Election Results 2024 Live Updates: मोठी बातमी! महायुतीने शतक गाठले, तब्बल इतक्या जागेवर घेतली आघाडी
