-
पुणे : राष्ट्रभक्तीचे स्फुल्लिंग चेताविणाऱ्या गीतांची मालिका… रांगोळीच्या आकर्षक पायघड्या… तिरंगी फुगे, झिरमिळ्यांची सजावट… ध्वजारोहण होत असताना ध्वजावर होणारी पुष्पवृष्टी… अशा अमाप उत्साहात अमृतमहोत्सवी स्वातंत्र्यदिन सोमवारी साजरा करण्यात आला.
-
करोना प्रादुर्भाव कमी झाल्याने दोन वर्षांनी सामुदायिक ध्वजारोहण करण्याची संधी लाभल्याने सर्वत्र झेंडावंदन कार्यक्रम पारंपरिक जल्लोषात झाले.
-
विभागीय आयुक्तालय असलेल्या विधान भवन येथे राज्यपाल भगतसिंह कोश्यारी यांच्या हस्ते ध्वजारोहण करण्यात आले.
-
अमृतमहोत्सवी स्वातंत्र्यदिनानिमित्त विविध गणेश मंडळे आणि स्वयंसेवी संस्थांच्या कार्यकर्त्यांकडून चौकाचौकात सजावट करण्यात आली होती.
-
शालेय मुलामुलींनी परिधान केलेले तिरंगी टी-शर्ट, तिरंगी फुगे आणि झिरमळ्यांची तोरणे यामुळे सर्वत्र तिरंग्याने भारलेले वातावरण अनुभवावयास मिळाले.
-
प्रवेशद्वारावर लावण्यात आलेल्या तिरंगी तोरणाने शनिवारवाड्याच्या सौंदर्यात भर पडली होती.
-
‘हर घर तिरंगा’ या केंद्र सरकारच्या अभियानाला प्रतिसाद देत पुणेकरांनी शनिवारपासून घरावर तिरंगा फडकवला आहे.
-
व्यापाऱ्यांनीही दुकानांवर तिरंगा फडकवला.
-
तर, रिक्षाचालक आणि दुचाकीचालकांसह मोटारमालकांनी आपल्या वाहनावर तिरंगा फडकवला आहे.
-
विविध राजकीय पक्षांसह सामाजिक, सांस्कृतिक संस्था आणि संघटनांनी काढलेल्या दुचाकी तिरंगा फेरीला उत्स्फूर्त प्रतिसाद लाभला.
-
पुण्यातील कात्रज तलाव परिसरातदेखील उत्सहात स्वातंत्र्यदिन साजरा करण्यात आला आहे.
-
यावेळी ड्रोनद्वारे काढलेल्या फोटोंमुळे पुणे शहराचं सौंदर्य अधिकच खुलून दिसलं. (ड्रोन फोटो सौजन्य- द ड्रोन दुनिया)
Maharashtra Vidhan Sabha Election : विधानसभेत १० मोठ्या नेत्यांचा पराभव; काँग्रेस, भाजपा, प्रहारसह राष्ट्रवादीतील दिग्गजांचा पराभवात समावेश
