-
शक्तीप्रदर्शन ही फक्त राजकीय नेत्यांचीच मक्तेदारी नाही बरं का! तर वाघदेखील हे शक्तीप्रदर्शन करुन त्याच्या क्षेत्रातून वाघांना हुसकावून लावत स्वत:चे साम्राज्य स्थापन करु शकतो.
-
ताडोबा-अंधारी व्याघ्र प्रकल्पातून तीन वर्षांपूर्वी उमरेड-पवनी-कऱ्हांडला अभयारण्यात येऊन स्वत:चे साम्राज्य निर्माण करणारा ‘सूर्या’हा वाघ त्यातलाच एक.
-
अतिशय शक्तीशाली, बलदंड अशा ‘सूर्या’ने उमरेड-पवनी-कऱ्हांडला अभयारण्यात येताच ‘टी-६’ व ‘टी-७’ या दोन वाघांना हुसकावून लावले होते.
-
‘सूर्या’च्या दादागिरीने या दोघांनाही त्यांचा मूळ अधिवास सोडावा लागला आणि तेथे ‘सूर्या’चे जंगलराज सुरू झाले.
-
पाच ते सहा वर्षाच्या ‘सूर्या’च्या दहशतीमुळे उमरेड-पवनी-कऱ्हांडला अभयारण्यात दूसरा वाघ येण्याचे धाडस करत नाही.
-
कुही, उमरेड, कऱ्हांडला हे त्याचे भ्रमणक्षेत्र आहे. येथीलच ‘कॉलरवाली’ वाघिणीला ‘सी-२’ या वाघापासून तीन बछडे झाले होते. त्यांनाही ‘सूर्या’नेच मारल्याचे येथील कर्मचारी सांगतात.
-
‘सुर्या’ आणि ‘कॉलरवाली’ नेहमी एकत्र फिरताना पर्यटकांना दिसायचे.
-
‘फेअरी’सोबत देखील ‘सूर्या’ अनेकदा दिसतो. त्याच्यापासून पाच बछडे तिला झाले असून कित्येकदा पर्यटकांना या संपूर्ण कुटुंबाने दर्शन दिले आहे.
-
ताडोबा-अंधारी व्याघ्रप्रकल्पातील ‘मटकासूर’ आणि ‘माया’ या वाघिणीचा तो मुलगा आहे.
-
सध्या त्याचा मुक्काम गोठणगाव, पवनी परिसरात आहे. आईपासून विभक्त झाल्यानंतर २०१९ मध्ये तो उमरेड-पवनी-कऱ्हांडला अभयारण्यातील गोठणगाव परिसरात स्थलांतरीत झाला होता.
-
छायाचित्रे – गजेंद्र बावणे, उपायुक्त, अमरावती विभाग (हेही पाहा : चर्चेतला वाघ – मॉडेलसारखे वेगवेगळे हावभाव देणारी ‘अभिव्यक्ती’ वाघीण)
Vinod Kambli : विनोद कांबळीचं वक्तव्य, “मी मरणार नाही, सचिनला निरोप द्या, मी लवकरच…”
