-
ताडोबा-अंधारी व्याघ्रप्रकल्पातील अनेक वाघांनी त्यांचा स्वत:चा अधिवास आणि त्या अधिवासात त्यांची दहशत निर्माण केली आहे. ‘दढियल’ हा वाघ त्यातलाच एक. त्याच्या नावाचा महिमा देखील वेगळाच.
-
वाघांना दाढी असते..? असा प्रश्न केला तर कदाचित तुमच्याआमच्यासारखे सामान्य पर्यटक किंवा नागरिक त्याचे उत्तर देऊ शकणार नाहीत, पण वन्यजीव छायाचित्रकार त्याचे उत्तर नक्कीच देऊ शकतील.
-
या वाघाकडे पाहिल्यानंतर पहिल्यांदा लक्ष जाते ते ठसठशीतपणे दिसणाऱ्या त्याच्या दाढीकडे आणि म्हणूनच कदाचित त्याला ‘दढियल’ हे नाव पडले असावे.
-
ताडोबा-अंधारी व्याघ्रप्रकल्पातील शिरखेडा बफरचा तो राजा.
-
या क्षेत्रात वाघाची संख्या फारशी नव्हती, पण ‘दढियल’ने त्याचे साम्राज्य प्रस्थापित करतानाच त्याची वंशावळ तयार केली. या परिसरात वाघांच्या संख्येत वाढ करणारा तो ज्येष्ठ वाघ.
-
वाघांची संख्या कमी होत असताना तो वरदान म्हणून समोर आला. त्याला पाहिल्यानंतरच त्याचे सामर्थ्य लक्षात येते.
-
शिरखेडाचा ‘मास्टर ब्लास्टर’ अशीही त्याची ओळख आहे. तीक्ष्ण नजर, रुबाबदार चालणे पर्यटकांना खिळवून ठेवते. अनेकदा तो त्याच्या संपूर्ण कुटुंबासह दर्शन देतो.
-
शिरखेडा बफर क्षेत्रावर एकहाती सत्ता गाजवणारा ‘दढियल’ आता पांगडी बफर क्षेत्रात दिसून येतो.
-
सर्व छायाचित्रे – गजेंद्र बावणे, उपायुक्त, अमरावती (हेही पाहा : ताडोबातील ४० वाघांचा बाप ‘बिग डॅडी’)
Vishal Gawli : “विशाल गवळीने माझ्या मुलीला जवळ ओढलं, तिचं तोंड दाबलं आणि…”, पीडितेच्या आईने सांगितला दोन वर्षांपूर्वीचा ‘तो’ प्रसंंग
